English | عربی | Kurdî دواهەواڵ
ڕاستەوخۆ  
 
ئەڵمانیا چه‌ند كه‌سێك بە تۆمەتی ڕفاندنی وەزیرێک و ڕووخاندنی حکومەت تاوانبار دەکات
2023-01-25 [11:57 AM]

ZNA - هه‌ولێر


 

دادوەری گشتی ئەڵمانیا دەڵێت داواکاری گشتی وڵاتەکە پێنج کەسی بە تۆمەتی ناپاکی باڵا تاوانبار کردووە کە گوایە پلانییان داڕشتووە بۆ ڕفاندنی وەزیری تەندروستی و ئامادەکارییان کردووە بۆ ئەنجامدانی کوشتاری بۆ ڕووخاندنی حکومەتی ئەڵمانیا.

داواکاری گشتی لە بەیاننامەیەکدا وتی گروپەکە لە ناوەڕاستی مانگی یەکی ساڵی 2022 دا پێکهێندراوە و ئامانجی ئەوە بووە " دۆخێکی هاوشێوەی شەڕی ناوخۆ لە ئەڵمانیادا بخاتەوە، ئەوەش لە ڕێی بەکارهێنانی هێزەوە "، بە هیوای ڕووخاندنی سیستمی دیموکراسی حکومەت و پەرلەمانی وڵاتەکە.

وتیشی گروپەکە ئەوەیان پەسەند کردووە کە ئەمە ڕەنگە ببێتە هۆی کوژرانی خەڵکەکە.

ساڵی ڕابردوو بەرپرسانی ئەڵمانیا وردەکاری ئەم پلانگێڕییەیان ئاشکرا کرد و سەرجەم پێنج کەسەکەیان دەستبەسەر کرد.

بەپێی داواکاری گشتی، گومانلێکراوەکان بە جددی ئامادەکارییان کردووە و دوو لقی جیایان لە گروپەکەیاندا پێکهێناوە، یەکێکیان سەربازی و ئەوی دیکەیان بەڕێوبەرایەتی.

لە پلانە سێ قۆناغییەکەیاندا، گروپەکە ویستوویانە کارەبای سەرانسەری وڵاتەکە ببڕن، وەزیری تەندروستی ئەڵمانیا کارڵ لاوترباخ بڕفێنن و ئەگەر پێویست بکات پاسەوانەکەی بکوژن، دواتر کۆببنەوە بۆ ڕووخاندنی حکومەت و دەستنیشانکردنی ڕابەرێکی نوێ.





ئەم هەواڵە 94جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad