|
 |
|
|||
ZNA- هەولێر وەزارەتی سامانە سروشتییەکانی حکوومەتی هەرێمی کوردستان ئاشکرایکرد حکوومەتی عێراق لەسەرەتای هەفتەی داهاتوو بڕی 2 ملیۆن لیتر نەوتی سپی دەنێرێتە هەرێمی كوردستان. ئەمڕۆ چوارشەممە 25/1/2023، وەزارەتی سامانە سروشتییەکان لە راگەیاندراوێکدا بڵاویکردووەتەوە: "پاش سەردانەكەی سەرۆكی حكوومەتی هەرێمی كوردستان لە 11ی ئەم مانگە بۆ بەغدا، حکوومەتی عێراق كاروانێكی 60 تەنكەر بە بڕی 2 ملیۆن لیتر نەوتی سپی لە سەرەتای هەفتەی داهاتوو دەنێرێتە هەرێمی كوردستان". ئەوەش خراوەتە روو: "وەزارەتی سامانە سروشتییەكان ئەم بڕە نەوتە بە هەماهەنگی لەگەڵ پارێزگاكان و ئیدارە سەربەخۆكاندا بێ بەرامبەر دابەش دەكات و 30 تەنكەری بۆ پارێزگای هەولێرو دهۆك و هەردوو ئیدارەی سەربەخۆی سۆران و زاخۆیە و 30 تەنكەری دیكەی نەوتی سپی بۆ پارێزگاكانی سلێمانی و هەڵەبجە و هەردوو ئیدارەی سەربەخۆی گەرمیان و راپەرین دەبێت". ئاماژە بەوەش دراوە: "چاوەڕوان دەكرێت دوای هاتنی ئەو بڕە نەوتە راستەوخۆ نرخی بەهای نەوتی سپی لەبازاڕەكانی كوردستاندا روو لە دابەزین بكات و پرۆسەی دابەشکردنی نەوتی سپی خێراتر بکات". ئەم هەواڵە 184جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad