 |
|
|||
ZNA-هەولێر وه‌زاره‌تی ده‌ره‌وه‌ی ئازه‌ربایجان ئاشكرای كرد كه سه‌رله‌به‌یانی ئه‌مڕۆ هه‌ینی هێرشی چه‌كداری كراوه‌ته سه‌ر باڵیۆزخانه‌ی وڵاته‌كه‌یان له تارانی پایته‌ختی ئێران و پاسه‌وانێكیان كوژراوه. وه‌زاره‌تی ده‌ره‌وه‌ی ئازه‌ربایجان له به‌یاننامه‌یه‌كدا ڕایگه‌یاند: سه‌رله‌به‌یانی ئه‌مڕۆ هه‌ینی باڵیۆزخانه‌ی وڵاته‌كه‌مان له شاری تارانی پایته‌خت ڕووبه‌ڕووی هێرشێكی چه‌كداری بووه‌ته‌وه. ڕاشیگه‌یاند: له ئه‌نجامی هێرشه‌كه و له كاتی ڕووبه‌ڕووبوونه‌وه‌ی هێرشكه‌ران، ئۆرخان عه‌سكه‌رۆف به‌رپرسی پاسه‌وانه‌كانی باڵیۆزخانه‌ی ئازه‌ربایجان له تاران كوژراوه و هه‌روه‌ها پاسه‌وانێكی تریش بریندار بووه. وه‌زاره‌تی ده‌ره‌وه‌ی ئازه‌ربایجان ئاماژه‌ی به‌وه‌ش دا كه پاسه‌وانه‌كانی باڵیۆزخانه هێرشكه‌ره‌كه‌یان ده‌ستگیركردووه. ئەم هەواڵە 358جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad