 |
|
|||
ZNA-هەولێر ژمارەیەک ئەندامی پەرلەمانی ئەوروپا داوادەکەن دادگایەکی تایبەت بە تاوانەکانی بەرپرسانی رووسیا و بیلاڕووسیا لە جەنگی ئۆکرانیا پێکبهێنرێت. لە راگەیەندراوێکدا هاوبەشدا 100 ئەندامی پەرلەمانی ئەوروپا، رایانگه‌یاندووه، پێویستە بەرپرسانی رووسیا باجی کوشتن و برسیکردن و سەرمابوونی گەلی ئۆکرانیا بدەن و لەدادگایەکی تایبەتدا تاوانەکانیان لێکۆڵینەوە لێبکرێت. ئەو 100 ئەندام پەرلەمانەی ئەوروپا باسیان لەوەشکردوو، پێویستە هەماهەنگی بکرێت لەنێوان نەتەوەیەکگرتووەکان و سەرجەم رێکخراوە نێودەوڵەتییەکان بۆ پێکهێنانی دادگای تایبەت بە تاوانەکانی رووسیا لە ئۆکرانیا. له 24ـی شوباتی 2022، به فه‌رمانی ڤلادیمێر پوتنی سه‌رۆكی رووسیا هێرشكرایه‌سه‌ر خاكی ئۆكرانیا و به‌هۆیه‌وه هه‌زاران كه‌س له سه‌ربازان و هاووڵاتیان كوژراون و ملیۆنه‌ها ئۆكرانیش ئاواره‌ی وڵاتانی ئه‌وروپی بوون، تا ئێستاش ئه‌و جه‌نگه به‌رده‌وامه. ئەم هەواڵە 439جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad