|
 |
|
|||
ZNA- هەولێر کەسێک بە چەک هێرشی کردە سەر باڵیۆزخانەی ئازەربایجان لە تارانی پایتەختی ئێران، ئەنجامدا بەرپرسی ئاسایشی باڵیۆزخانەکە کوژرا.
بەیانیی ئەمڕۆ هەینی 27ی کانوونی دووەمی 2023، کەسێک بە چەکەوە هێرشی کردە سەر باڵەخانەی باڵیۆزخانەی ئازەربایجان لە شاری تارانی پایتەختی ئێران، لە ئەنجامدا بەرپرسی ئاسایشی باڵیۆزخانەکە کوژرا و دوو پاسەوانی دیکەش بریندار بوون.
بەگوێرەی راگەیێندراوێکی وەزارەتی دەرەوەی ئازەربایجان، کە هێرشەکەی سەر باڵیۆزخانەکەیانی پشتڕاست کردووەتەوە، ئاشکرای کردووە بەیانیی ئەمڕۆ کاژێر 08:30 خولەک، کەسێک بە چەکی جۆری کڵاشینکۆف هێرشەکەی کردووە و تەقەی لە خاڵی پاسەوانانی باڵیۆزخانەکە کردووە.
وەزارەتی دەرەوەی ئازەربایجان ئاماژەی بەوە کردووە، لە ئەنجامی هێرشەکەدا کارمەندێکی باڵیۆزخانەکە کوژراوە، کە بەرپرسی ئاسایشی باڵیۆزخانەکە بووە و دوو دیکەش بریندار بوون، کە هەردووکیان پاسەوانی باڵیۆزخانەکە بوون.
هەروەها وەزارەتی دەرەوەی ئازاربایجان ئەوەشی ئاشکرا کردووە، هێرشکارەکە دەستگیرکراوە. ئاماژە بەوەش دەکات لێکۆڵینەوە لە هێرشەکە دەستیپێکردووە. ئەم هەواڵە 400جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad