 |
|
|||
ZNA-ھەولێر ئەندامێکی لیژنەی یاساییی لە پەرلەمانی کوردستان رایگەیاند، کە کۆبوونەوەی پارتی و یەکێتی کاریگەریی ھەبووە لەسەر ئاساییکردنەوەی ڕەوشی سیاسی لە ھەرێمی کوردستان.رۆژان ابراهیم، ئەندامی لیژنەی یاساییی لە پەرلەمانی کوردستان، بە ئاژانسی ھەواڵی زاگرۆسی راگەیاند: کۆبوونەوەی پارتی و یەکێتی کاریگەریی ھەبووە لەسەر ئاساییکردنەوەی ڕەوشی سیاسی لە ھەرێمی کوردستان و ئەگەر لە کۆبوونەوەی داھاتوو لێک نزیکبوونەوەی زیاتر ھەبێت پەرلەمانیش کۆ دەبێتەوە، بەڵام پەرلەمان ئێستا لە پشوودایە و ئەگەر ئەوان بگەنە ڕێککەوتن بۆ پرسی گۆڕانکارییەکان و ھەڵبژاردن و کاراکردنەوەی کۆمسیۆن ئەوە پەرلەمان ئامادەیە کۆبوونەوەی نائاسایی بەڕێوە ببات.ئەندامی لیژنەی یاساییی لە پەرلەمانی کوردستان گووتی: ئێمە لە پەرلەمان چاوەڕێی ڕێککەوتنی لایەنەکانین و بێگومان بەرەوپێشچوون ھەبووە، بەڵام بۆ ھەمواری یاسای ھەڵبژاردن و کاراکردنەوەی کۆمسیۆن و گۆڕانکاری لە پەرلەمان و حکوومەت پێویستی بە ڕێککەوتنی سیاسی ھەیە.ھەروەھا رۆژان ابراهیم، ئەندامی لیژنەی یاساییی لە پەرلەمانی کوردستان ئەوەشی بۆ ئاژانسی ھەواڵی زاگرۆس خستەروو، کە پەرلەمانی کوردستان جگە لە پرسی ھەڵبژاردن و گۆڕانکارییەکان چەندین پڕۆژەیاسای گرینگی لەبەر دەستە و دەیەوێ لەم خولەی پەرلەماندا پەسەند بکرێن بۆ ئەو مەبەستەش لە سەرەتای مانگی ئاداری داھاتوو وەرزی نوێی یاسادانان دەست پێ دەکاتەوە و دەخرێنە نێو کارنامەی کۆبوونەوەکەوە.رێباز یونسئەم هەواڵە 844جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad