 |
|
|||
ZNA – هەولێر وەزارەتی کارەبای عێراق ئاشكرایكرد، 12 رۆژە، ھەناردەکردنی غاز لەلایەن ئێرانەوە بۆ عێراق راگیراوە، کە بەھۆی ئەو ھەنگاوەی ئێرانەوە، ئاستی بەرھەمھێنانی کارەبا لە بەغدا و ناوچەکانی ناوەڕاست و باشووری عێراق، حەوت ھەزار و 500 میگاوات کەمبووەتەوە. وەزارەتی کارەبای عێراق لە راگەیەندراوێکدا رایگەیاند: بەمەبەستی چاککردنەوەی بۆری گواستنەوەی غاز، ماوەی 12 رۆژە، ھەناردەکردنی غاز لە ئێرانەوە بۆ وێستگەکانی بەرھەمھێنان راگیراوە. وەزارەتی كارەبا راشیگەیاندووە، کە بەھۆی ئەو ھەنگاوەی ئێران، ئاستی بەرھەمھێنانی کارەبا لە بەغدا و ناوچەکانی ناوەڕاست و باشووری عێراق، حەوت ھەزار و 500 میگاوات کەمبووەتەوە کە ئەوەیش بەشێوەیەکی بەرچاو، کاریگەریی لەسەر کەمبوونەوەی پێدانی کارەبای نیشتمانی بە ھاووڵاتییان دروست کردووە. وەزارەت جەختی لەوەش كردەوە، رێوشوێنی بەپەلەی گرتووەتەبەر و لەسەر ئاستی باڵا، هەروەها ھەماھەنگی لەگەڵ وەزارەتی نەوت کردووە بۆ ئەوەی بڕی زیاتر لە سووتەمەنی جێگرەوە بۆ وێستگەکانی بەرھەمھێنانی کارەبا لە بەغدا و ناوچەکانی ناوەڕاست و باشوور دابین بکات، تا بتواندرێت ئەوبۆشاییە پڕبكەنەوە كە دروست بووە ". ئەوەیشی خستووەتەڕوو کە ھەناردەکردنی غاز لە رۆژی پێنجشەممە 26-1-2023، لەلایەن ئێرانەوە بۆ عێراق راگیراوە. ئەم هەواڵە 523جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad