2023-02-01 [11:36 AM]

پسپۆڕێکی خۆراک لە روسیا رایگەیاندووە، لالەنگی میوەیەکی بەسوودە بۆ جەستە بەلام ئەگەر زیادەڕەوی لە خواردنیدا بکرێت ئەوا مەترسیی بۆ جەستە دەبێت.

تاتیانا زالیتۆڤا لە چاوپێکەوتنێکی رادیۆی سپۆتینیکی روسی ئاماژەی بەوەکردووە، مەترسیی زیادەڕەویکردن لە خواردنی لالەنگیدا هەیە، هەروەک وتوویەتی "لالەنگی دەوڵەمەندە بە رەگەزی خۆراکی بەتایبەت ڤیتامین سی، وەک هەندێک لە میوەکانی تر مزری تێدایە، دەتونرێت بکرێتە ژەمەکانی خۆراکە بەتایبەت لە وەرزی زستاندا، لەگەل ئەوەشدا زیادەڕەویکردن لە خواردنی ئەو میوەیە مەترسی هەستیاریی و گرفت بۆ کرداری هەرس زیاد دەکات، کە گورچیلە بە ئاسانی ناتوانێت لە جەستە بیپاڵێوێت و بیکاتە دەرەوە".

بەگوێرەی ئەو پسپۆرە، ئەو کەسانەی بەدەست سستبوونی گورچیلەکانیانەوە دەناڵێنن لە خواردنی لالەنگی بەئاگابن، ئەوانەشی گرفتی درێژخایەنی کرداری هەرسیان هەیە ئەو میوە بە ڕاددەیەکی زۆر نەخۆن، چونکە ئەو مزرییەی لە لالەنگیدا هەیە زیان بە ناوپۆشی گەدە دەگەیەنێت و توشی هەوکردن و ئازار دەبنەوە، بەتایبەت بۆ ئەوانەی گرفتی کۆئەندامی هەرسیان هەیە.

روونیشیکردووەتەوە، لە لالەنگیدا فرەکتۆز هەیە بۆ ئەو کەسانەی نەخۆشی شەکرەیان هەیە زیادەڕەوی لە خواردنیدا بکەن زیان بە تەندروستیان دەگەیەنێت، هەر بۆیە گونجاوە رۆژانە لە ٥٠٠ گرام زیاتر لالەنگی نەخورێت، ناشبێت ئەو بڕە لە یەک کاتدا بخورێت.