2023-02-01 [04:46 AM]

سودەكانی گەلێك زۆرە بەڵام دەبێت مەترسیەكانی زەنجەفیل بزانرێت، هەرچەندە زەنجەفیل زۆر دژە هەوكردنێكی بەهێزە و دژی ئازار و دژی شێرپەنجەیە وە بۆ كۆكە و هەڵامەت، دابەزینی كێشی زیادەی لەش، دابەزینی ڕێژەی كۆلیسترۆلی خوێن، دابەزینی ڕێژەی شەكری خوێن بەكاردەهێنرێت، بەڵام دەبێت بزانرێت كە ئەندازەی ڕێپێدراو بۆ خواردنی ڕۆژانە زۆر كەمە بریتیە لە

: زەنجەفیلی تەڕ: 2-4 گرام

زەنجەفیلی وشك: نیو گرام تا 2 گرام

ئەندازەی پێویست بۆ ڕۆژانە وە ئامادەكردنی

: ئەگەر خێرا ئامادە بكرێت ئەوا زەنجەفیل دەكرێتە ناو یەك لیتر لە ئاوی گەرم لە مەتارەیەك و سەری قەپات دەكرێت و دوای نیو كاتژمێر كوبێك دەخورێتەوە وە هەر سێ كاتژمێر یەك كوپ دەخورێتەوە

. ئەگەر لەسەرخۆ ئامادە بكرێت ئەوا زەنجەفیل دەكرێتە ناو یەك لیتر لە ئاوی سارد وە لەناو مەتارەیەك سەری قەپات دەكرێت و لەدوای 12 كاتژمێر لێی دەخورێتەوە

. 1. زەنجەفیلی تەڕ: یەك كەوچكی چێشت لە وردكراوی زەنجەفیل 2. زەنجەفیلی وشك: یەك كەوچكی چا باشترین كاتی خواردنەوەی زەنجەفیل: لەدوای نان كوبێك وە زۆر خراپە خواردنەوەی ئاوی زەنجەفیل بە گەدەی بەتاڵ. زیانەكانی و مەترسیەكانی زەنجەفیل: زۆر وە زیادەڕۆیی لە خواردنی زەنجەفیل گرفت بۆ تەندروستی دروست دەكات: 1. نابێت بدرێت بە منداڵی تەمەن لە دو ساڵ كەمتر

. 2.ئافرەتان : نابێت بدرێت بە ئافرەت لەكاتی سوڕی مانگانەی، وە خانمی دوگیان چونكە لەوانەیە ببێتە هۆی لەبارچونی منداڵ

. 3. نابێت بدرێت بەو كەسانەی كە بەرزی پەستانی خوێن یان هەیە چونكە لەوانەیە ببێتە هۆی بەرزبونەوەی پەستانی خوێن

. 4. نابێت بدرێت بەو كەسانەی كە نەخۆشی دڵیان هەیە وەكو خێرا لێدانی دڵ، ناڕێكی لێدانی دڵ

. 5. نابێت بدرێت بەو كەسانەی كە دەرمانی دژی مەیینی خوێن بەكاردەهێنن

. 6. نابێت بدرێت بەو كەسانەی كە ناڕەحەتی ئازاری گەدە، دڵەكزێ، برینی گەدە، هەوكردن و برینی ڕیخۆڵە وە كۆلۆن، چونكە لەوانەیە ببێتە هۆی سكچون و غازاتی سك

. 7. هەندێك كەس هەستیاریان هەیە بە زەنجەفیل لەبەرئەوە كەمێك لە ئاوەكەی دەخرێتە سەر پێست بۆ ماوەی چەند خولەكێك وە تەماشای نیشانەكانی هەستیاری دەكرێت وەكو سوربونەوە یان خورانی پێست

. 8 كەم خەوی یا زو بەخەبەرهاتن.