 |
|
|||
ZNA-ھەولێر وتەبێژی بەرێوبەرایەتی پۆلیسی قەزای ئاكرێ رایگەیاند، کە پۆلیسی نەهێشتنی تاوان تۆمەتبارێكی دەستگیر كرد، كە دزیی لە چەند ماڵ و شوێنێكی جیاجیا كردبوو.عیماد حوسێن، وتەبێژی بەرێوبەرایەتی پۆلیسی قەزای ئاكرێ، بە ئاژانسی ھەواڵی زاگرۆسی راگەیاند: لە چه‌ند رۆژی رابردوودا چەند كەسێك سكاڵایان تۆمار كرد، كە دزی لە ماڵیان كراوە، بۆ ئەم مەبەستە، پۆلیسی نەهێشتنی تاوان لە ئاكرێ، دەستی بە لێكۆڵینەوە كرد و لە ئەنجامدا توانییان تۆمەتبارێك دەستگیر بكەن، كە دزیی لە چەند گەڕەكێكی ئاكرێ كردبوو و (پاره و مۆبایل و زێڕ و لاپتۆپ)ی خەڵكی دزیی بوو.وتەبێژی بەرێوبەرایەتی پۆلیسی قەزای ئاكرێ گووتی: ئەو تۆمەتبارە لەبەردەم دادوەردا دانی بە تاوانەكانیدا ناوە، كە لە رلبردوودا چەندیین دزیی كردووە، هەر ئەو تۆمەتبارە لە قەزای شێخانیش دزیی كردووە، بۆیە بەپێی مادەی ٤٤٣ دەستبەسەر كراوە و بەپێی یاسا سزا دەدرێت.ھەروەھا عیماد حوسێن، وتەبێژی بەرێوبەرایەتی پۆلیسی قەزای ئاكرێ، بە ئاژانسی ھەواڵی زاگرۆس خستەروو، کە ئه‌و تۆمه‌تباره خەڵكی قەزایەكی دەوروبەری قەزای ئاكرێیە.
|
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad