 |
|
|||
ZNA_ هەولێر
بەڕێوەبەرایەتی رووبەڕووبوونەوەی ماددە هۆشبەرەکانی سەر بە وەزارەتی ناوخۆی عێراق دوایین ئاماری دەستگیکردنی بازرگانانی ماددەی هۆشبەر و بڕی ماددەی هۆشبەری دەستبەرداگیراوی بڵاوکردەوە. عەقید بیلال سوبحی، بەڕێوەبەری راگەیاندنی وەزارەتی ناوخۆی عێراق رایگەیاند، تەنیا لە مانگی یەکی ئەمساڵدا هەزار و 400 تۆمەتبار و بەکاربەری ماددەی هۆشبەریان دەستگیرکردووە و دەستیان بەسەر 63 کیلۆگرام ماددەی هۆشبەر و 500 هەزار حەبی کەبتاگۆندا گرتووە. بەڕێوبەری راگەیاندنی وەزارەتی ناوخۆ ئاماژەی بەوەشدا، بە درێژایی ساڵی رابردوو، 16 هەزار و 851 تۆمەتباری بازرگانی ماددەی هۆشبەریان دەستگیر کردووە و نزیکەی نیو تۆن ماددەی هۆشبەر و 15 ملیۆن حەبی کەبتاگۆنیش دەستیان بەسەردا گیراوە. بە گوێرەی داتاکان، 520 کەسی دەستگیکراو تەمەنیان لە ژێر 18 ساڵان بووە و 250 ئافرەتیش لەنێو دەستگیراواندا بوونە. ئەم هەواڵە 508جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad