 |
|
|||
ZNA- هه‌ولێر به‌رپرسێكی وه‌زاره‌تی ئاوه‌دانكردنه‌وه له حاجی ئۆمه‌ران ئاشكرای كرد، له دوێنێوه شه‌پۆڵێكی تری به‌فربارین ڕووی له ناوچه‌كه كردووه و بۆ ئه‌مساڵیش تا ئێستا زیاتر له 2 مه‌تر و نیو به‌فر باریوه.سەردار ڕەزانی بەرپرسی تیمی ڕاماڵینی بەفر له حاجی ئۆمه‌ران ڕایگەیاند: لە دوێنێ شه‌مووه‌وه شەپۆلێکی دیکەی بەفربارین سنووری حاجی ئۆمەران و ناوچه‌كانی ده‌وروبه‌ری گرتۆتەوە و تا ئێستاش بەردەوامی هه‌یه.گوتیشی: ته‌نیا له شەوی رابردوودا 20 سانتیمەتر بەفر لە حاجی ئۆمەران باریوە، لە هەندێک شوێنی دیکەش ڕێژەکەی بەرزتر بووە، به‌مشێوه‌یه‌ش کۆی گشتی بەفربارینی ئەمساڵیش لە 2 مەتر و نیو زیاترە.هه‌روه‌ها گوتی: تیمه‌كانی ڕاماڵینی بەفر بەردەوام سەرقاڵی خاوێنکردنەوەی ڕێگاکانن، بۆ ئەوەی ڕێگای گشتی بەهۆی بەستەڵەک و بەفر ئاستەنگی بۆ دروست نەبێت و بۆ ئه‌مه‌ش بەردەوام خوێ لە ڕێگاکاندا دەڕێژین و ئێستا ته‌واوی ڕێگاکان کراونەتەوە.لەلایەکی دیکەوه سیروان حوسێن گوتەبێژی کۆمەڵگەی دەروازەی سنووری نێودەوڵەتی حاجی ئۆمەران ئاماژه‌ی به‌وه دا كه بارینی بەفر کاریگەری نەبووە لەسەر بزاوتی بازرگانی و هاتووچۆی گەشتیاران لە مەرزی حاجی ئۆمەران و جموجۆڵی بازرگانی و گەشتیاری بەردەوامە.جه‌ختیشی كرده‌وه كه هه‌ندێجار بەهۆی ئاستەنگی هاتووچۆ، ڕێگاکان کەمێک ئەستەم دەبن، به‌ڵام به‌شێوه‌یه‌كی گشتی سه‌رجه‌م ڕێگاكان به‌ڕووی هاتوچۆ كراوه‌ن.ئەم هەواڵە 610جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad