 |
|
|||
ZNA - هه‌ولێر
ڕێبەری باڵای شۆڕشی ئیسلامیی ئێران لێبووردنی گشتیی بۆ زۆربەی گیراوانی خۆپیشاندانه‌كانی ئەمدواییەی وڵات دەرکرد. پاش پێشنیاز و داواکارییەکی سەرۆکی داواکاری گشتی ئێران بۆ ئایەتۆڵڵا خامنەیی، سەبارەت بە لێبووردنی گشتی و کەمکردنەوەی سزا قورسەکانی سەر ئەو گیراوانەی لەم دواییانەدا لە شارە جیاوازەکانی ئێران گیراون، رەزامەندیی دەربڕیوە لەسەر داواکارییەکە. سەرۆکی داواکاری گشتیی ئێران لە داواکاریەکەی بۆ ڕێبەری باڵای شۆڕش ڕایگەیاندووە، کە لەلایەن خێزان و خانەوادەی گیراوانەوە لەگوشاردان و هەندێک لەوان دەرکەوتووە هەڵخەڵەتێنراون و دانیان بەهەڵەکانیاندا ناوە، بۆیە ئاوا داواکارییەکمان بۆ ڕێبەری وڵات بەمەبەستی ئازادکردنیان بەرزکردەوە. ئەم بڕیارە لە ساتی نزیکبوونەوەی ساڵیادی سەرکەوتنی شۆڕشی کۆماری ئیسلامی ئێران لە 22ی ڕێبەندان بەشێوازی جۆراجۆر هەر لەکەمکردنەوەی سزاکان تا ئازادکردنی زۆربەی گیراوان دەگرێتەوە.
کوردپرێس ئەم هەواڵە 343جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad