 |
|
|||
ZNA-هەولێر بانکی ناوەندیی عێراق، لەبارەی بازرگانیکردن بە دراوی دیجیتاڵی هۆشداری دەدات و دەڵێت: بازرگانیکردن بە دراوی دیجیتاڵی له هەموو جۆرەکانی قەدەغەیە و سزای بەدواوەیە. لە راگەیاندراوێكدا بانکی ناوەندیی عێراق، بڵاویكردەوە: "دووپاتی دەکەینەوە ئەوەی لە فەرمانی گشتاندنمان ژمارە (125/5/9 ) لە 29 ئاداری 2022دا هاتبوو کە له ناوه‌رۆکه‌که‌یدا بڕیاردرابوو ڕێگری لە بەکارهێنانی کارتی ئەلیکترۆنی و کارتیجزدان بکرێت بە مەبەستی سه‌فته‌بازیی (المچاربە) و بازرگانیکردن بە دراوی دیجیتاڵی له هەموو جۆرەکانی." ئاماژەی بەوەش داوە، پێویستە هەموو بانکە مۆڵەتپێدراوەکان و هەموو دامەزراوە داراییە مۆڵەتپێدراوەکان و هەموو کۆمپانیاکانی پارەدانی ئەلیکترۆنی بەم دوو خاڵ پابەند بن: یەكە - گرتنەبەری هەموو ڕێوشوێنێکی کارگێڕی و یاسایی و تەکنیکی پێویست بۆ ڕێگریکردن و بەدواداچوونی ئەو جۆرە مامەڵەو بازرگانیانە. دووەم - هۆشیارکردنه‌وه‌ی کڕیارەکانتان سەبارەت بەو مەترسی و ڕێکارانەی کە بەرامبەریان دەگیرێتەبەر بەپێی یاسا و ڕێنماییە کارپێکراوەکانی پەیوەست بەم جۆره مامەڵە و سه‌وداکردنانه. بانكی ناوەندی ئەوەی بە بانك و كۆمپانیاكانی پارەدانی ئەلیكترۆنی راگەیاندووە كە "بە پێچەوانەوە هەموو ڕێوشوێنە یاساییە توندەکان بەرامبەر بە دامەزراوەکانتان و کڕیارەکانتان دەگیرێتەبەر بە پێی یاسای دژە سپیکردنەوەی پارە و پارەدارکردنی تیرۆر و ڕێنماییه‌کانی که دەرچوون لە ئەگەری پابەندنەبوون." ئەم هەواڵە 982جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad