 |
|
|||
ZNA : هەولێر بەپێی ئەنجامی توێژینەوەیەكی نوێ خواردنەوەی چا ئەگەرەكانی توشبوون بە نەخۆشییەكانی دڵ بەڕێژەیەكی بەرچاو كەمدەكاتەوە. چەند پسپۆڕێكی فەرەنسی توێژینەوەیەكیان ئەنجامداوەو دەریخستووە، خواردنەوەی چا دەبێتە هۆی كەمكردنەوەی ئەگەری توشبوون بە نەخۆشیەكانی دڵ و ئەگەری مردنی لەناكاو كەمدەكاتەوە.
توێژەرەكان ئاماژە بەوە دەكەن كە ئەم سوودەی چا لەكەسی جگەرە كێشەوە بۆ كەسی جگەرە نەكێش گۆڕانكاری بەسەردا دێت، بەجۆرێك خواردنەوەی چا دەبێتە هۆی كەمكردنەوەی ئەگەری توشبوون بە نەخۆشی دڵ لای ئەو كەسانەی جگەرە ناكێشن. بەڕێژەی (34%)، بەڵام ئەم ڕێژەیە بۆ كەسانی جگەرە كێش تەنها (24%)ە
. توێژینەوەكە لەسەر (131) هەزار كەس ئەنجامدراوە كە تەمەنیان لەنێوان (18 بۆ 95) ساڵیدا بووە، توێژەرەكان داوایان لە هاوڵاتیان كردووە لەبری خواردنەوەی قاوە گرنگی بە خواردنەوەی چا بدەن، چونكە قاوە زیانی تەندروستی بۆ لەشی مرۆڤ هەیەو هۆكارێكە بۆ بەرزبوونەوەی فشاری خوێن، ئەمەش بە پێچەوانەی خواردنەوەی چا كە دەبێتە هۆی دابەزینی فشاری خوێن. ئەم هەواڵە 598جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad