 |
|
|||
ZNA - هه‌ولێر
ڕۆژێک دوای ئەوەی واشنتۆن خۆی لەگەڵ بەیاننامەیەکی نەتەوە یەکگرتووەکان هاوتەریب کردووە کە شوێنی عادل لە ئێراندا دیاری دەکات، حوسێن ئەمیرعەبدوڵڵاهیان وەزیری دەرەوەی ئێران ڕۆژی پێنجشەممە لە تویتەر نووسیویەتی ئێران "ئیدیعاکانی" ئەمەریکای ڕەتکردەوە کە سەیف ئەلعەدل ڕێبەری قاعیدە لە ئێرانە. ئەمیرعەبدوڵڵاهیان نووسیویەتی، ئامۆژگاری بەرپرسانی کۆشکی سپی دەکەم کە یارییە شکستخواردووەکەی ئێران-فۆبیا ڕابگرن، هەواڵکردن لەسەر ڕێبەری ئەلقاعیدە و بەستنەوەی بە ئێرانەوە بێ بنەمایە. سەیف ئەلعەدل، ئەفسەری پێشووی هێزە تایبەتەکانی میسر کە ئەندامێکی پلە باڵای قاعیدەیە و 10 ملیۆن دۆلاری ئەمەریکی خەڵات لەسەر سەریەتی، ئێستا سەرکردەی "بێ ڕکابەری" گروپە چەکدارەکەیە. وەزارەتی دەرەوەی ئەمەریکا ڕۆژی چوارشەممە ڕایگەیاند کە هاوتەریبە لەگەڵ هەڵسەنگاندنەکانی نەتەوە یەکگرتووەکان کە بنکەکەی سەیف ئەلعەدل لە ئێرانە. سەیف ئەلعەدل لە مانگی نۆڤەمبەری ساڵی 1998 لەلایەن دەستەی دادوەری گەورەی فیدراڵی ئەمەریکاوە تۆمەتبار کرا بەهۆی ڕۆڵی لە هێرشە بۆمبڕێژکراوەکان بۆ سەر باڵیۆزخانەکانی ئەمەریکا لە تانزانیا و کینیا کە بووە هۆی کوژرانی 224 هاوڵاتی مەدەنی و برینداربوونی زیاتر لە پێنج هەزار کەسی دیکە. دوای تەقینەوەکانی ئەفریقا، ئەلعەدل ڕووی لە باشووری ڕۆژهەڵاتی ئێران کرد، و لەوێ لە ژێر پاراستنی فەیلەقی سپای پاسدارانی ئیسلامی ئەو وڵاتەدا ژیاوە. ئەو و سەرکردەکانی تری قاعیدە لە مانگی نیسانی ساڵی 2003 لەلایەن ئێرانەوە خراونەتە ژێر دەستبەسەری ماڵەوە و لە بەرامبەر دیپلۆماتکارێکی ئێرانی کە لە یەمەن ڕفێندرا، ئەو و چوار کەسی دیکەیان ئازاد کرد. ئەم هەواڵە 178جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad