 |
|
|||
ZNA- هه‌ولێر سه‌رۆكایه‌تی ئه‌نجوومه‌نی نوێنه‌رانی عێراق ئه‌مڕۆ دووشه‌م ئاشكرای كرد، هه‌فته‌ی داهاتوو پڕۆژه‌یاسای بودجه‌ی 2023ی عێراق ده‌گاته په‌رله‌مانی عێراق.نووسینگه‌ی ڕاگه‌یاندنی موحسین مه‌نده‌لاوی جێگری سه‌رۆكی ئه‌نجوومه‌نی نوێنه‌رانی عێراق بڵاوی كرده‌وه: مه‌نده‌لاوی ئه‌مڕۆ دووشه‌م په‌یوه‌ندییه‌كی ته‌له‌فۆنی له‌گه‌ڵ ته‌یف سامی وه‌زیری دارایی عێراق ئه‌نجامداوه و تێیدا جه‌ختكراوه‌ته‌وه كه هه‌فته‌ی داهاتوو پڕۆژه‌یاسای بودجه‌ی 2023ی عێراق ده‌گاته په‌رله‌مانی عێراق.بڵاویشی كرده‌وه: زۆر گرینگه له زووترین كاتدا پڕۆژه‌یاسای بودجه بگاته په‌رله‌مان بۆ ئه‌وه‌ی له لیژنه‌ی داراییه‌وه گفتوگۆی پێویستی له‌سه‌ر بكرێ و ئیتر به‌رنامه خزمه‌تگوزارییه‌كانی حكوومه‌ت بكه‌ونه بواری جێبه‌جێكردنه‌وه.ئاماژه‌ی به‌وه‌ش دا: هاتنی پڕۆژه‌یاسای بودجه و په‌سندكردنی له‌لایه‌ن په‌رله‌مانه‌وه پاڵپشتییه‌كی گه‌وره ده‌بێت به‌تایبه‌ت بۆ توێژی هه‌ژران و به‌رده‌وامبوونی پڕۆسه‌ی دابه‌شكردنی سه‌به‌ته‌ی خۆراك و مووچه‌ی فه‌رمانبه‌ران و هه‌روه‌ها كردنه‌وه‌ی ده‌رگه‌ی نوێی دامه‌زراندنی هاووڵاتییانی عێراقی.ئەم هەواڵە 220جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad