 |
|
|||
ZNA - هەولێر وەزارەتی دەرەوەی کۆماری ئیسلامیی ئیران ڕایگەیاند وەک کاردانەوەیەک بەرانبەر بە گەمارۆکانی یەکێتیی ئەورووپا و بریتانیا لە دژی کۆماری ئیسلامیی ئیران، ژمارەیەک دامەزراوە و کەسایەتیی ئەم وڵاتانە دەخاتە لیستەی گەمارۆکانەوە.بە گوێرەی ڕاگەیاندراوەکە ئەم دامەزراوە و کەسایەتییانە بە هۆی پشتیوانی کردنیان لە تیرۆریسم و هاندانی تیرۆریستان بۆ ئەنجامدانی کردەوەی تیرۆریستی لە دژی خەڵکی ئێران و دەستوەردان لە کاروباری ناوخۆیی کۆماری ئیسلامیی ئیران و هەوڵدان بۆ پەرەپیدانی توندوتیژی و نائارامی لە ئێران و بڵاو کردنەوەی زانیاریی هەڵە لەسەر ئێران گەمارۆیان دەخرێتە سەر. سیزدە دامەزراوە و 15 کەسایەتیی ئەورووپی و 8 کەسایەتیی بریتانی، ناویان لە لیستەی نوێی گەمارۆکانی وەزارەتی دەرەوەی ئێراندایە. ئەم کەسانە لەمەودوا ڤیزەی ئێرانیان پێ نادرێ و ئەگەر سامان و داراییەکییان لە سنووری دەسەڵاتی کۆماری ئیسلامیی ئیراندا هەبێت، دەستی بەسەردا دەگیرێت. ئەم هەواڵە 190جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad