|
 |
|
|||
ZNA - هه‌ولێر
وەزیری ناوخۆی تورکیا، سولەیمان سۆیڵو رایگەیاند: "بەپێی دوا زانیارییەکان ژمارەی ئەوکەسانەی لە ئاکامی بوومەلەرزەکانی قەهرەمانمەڕەش گیانیان لەدەستداوە، گەیشتووەتە ٤٣ هەزار و ٥٥٦ کەس". سۆیڵو لە میانی بەشداریکردن لە پەخشی راستەوخۆی "TRT Haber" لە ناوەندی هەماهەنگیی کارەساتەکان لە هاتای ئەو دەنگۆیانەی رەت کردەوە کە گوایە لە رەوانەکردنی هاوکارییە مرۆییەکاندا جیاکاری بە ناوچە کارەساتبارەکان کرابێت و گوتی: "راست نییە نزیکەی ٣١٣ هەزار خیوەت لە ناوچەکە دابەش کراوە و زۆربەی خیوەتەکانیش رەوانەی هاتای کراون"، ئەو دەنگۆیانەیشی رەت کردەوە کە باس لەوە دەکەن گوایە هەوڵ دەدرێت پێکهاتەی دیمۆگرافی هاتای بگۆڕدرێت. وەزیری ناوخۆی تورکیا جەختی لەوە کردەوە کە تەواوای تواناکان خراونەتە گەڕ بۆ هاوکاریکردنی زیانبەرکەوتووانی بوومەلەرزەکان. سەرنجیشی خستە سەر ئەوەی کە بەپێی دوا زانیارییەکان ژمارەی ئەوکەسانەی لە ئاکامی بوومەلەرزەکانی قەهرەمانمەڕەش گیانیان لەدەستداوە، گەیشتووەتە ٤٣ هەزار و ٥٥٦ کەس. سۆیڵو جەختی لەوە کردەوە کە لە میانی لێکۆڵینەوە لە دۆسیەی کەموکوڕی لە بونیادنانی ئەو باڵەخانانەی بەهۆی بوومەلەرزەکانەوە داڕووخاون و زیانی زۆریان بەرکەوتووە تاکوو ئێستا ٥٦٤ تۆمەتبار دەستنیشان کراون، گوتی: "١٦٠یان دەستبەسەر کراون، ١٧٥یان بە مەرجی دادوەریی ئازاد کراون، ١٨ کەسیان بە دەستگیرکراوی ماونەتەوە، هەوڵەکانیش بەردەوامن بۆ دەستگیرکردنی تۆمەتبارەکانی دیکە".
AA ئەم هەواڵە 163جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad