 |
|
|||
ZNA-ھەولێر قایمقامیەتی قەزای ناوەندی هەولێر روونکردنەوەیەکی لەبارەی سەرپێچی هاووڵاتییەک بڵاوکردەوە.لە روونکردنەوەکەی قایمقامیەتی قەزای ناوەندی هەولێر هاتووە: "سەبارەت بە لێدوانى هاووڵاتى (سەردار ئازاد) کە خاوەنى نووسینگەى فرۆشتنى خانوو و زەوییە و گوایە لە سەر ڕەخنەگرتن لە حکوومەتى هەرێمی کوردستان لە هەولێر نووسینگەکەى داخراوە، بە پێویستى دەزانین بە هەموو لایەکى ڕابگەیەنین ئەوەى ئەو گوتوویەتى دوورە لە ڕاستیی و بە لاڕێبردنى ئەو تاوانەیە کە دەرهەق بە ژینگە و سیمایى جوانى شارەکەمان ئەنجامیداوە".ئەوەش خراوەتە روو: "ناوبرا بەبێ وەرگرتنى ڕەزامەندى و ئاگادارکردنەوەى لایەنى پەیوەندیدار کە بەرێوەبەرایەتى ئەندازەى پارک و باخچەکانى هەولێرە و بەبێ ئەوەی هیچ دامودەزگایەکى ترى حکوومى ئاگادار بکاتەوە و لە پێناو بەرژەوەندى تایبەتى خۆى و بۆ قازانجى گیرفانى، هەڵساوە بە بڕینەوەى 11 دارى (شماسى) و هەڵپاچینى ژمارەیەکى زۆرى دارى (کالیپتۆس) و هەڵگرتنى سیتى یارى منداڵان لە پارکى (ئەکوا پارک)، لەوبارەیەشەوە ڕێککارى یاساییمان لە بەرامبەریدا گرتۆتەبەر و جگە لە داخستنى نووسینگەکەى لە بەرامبەر ئەو کارە نایاساییەی ئەنجامیداوە دەدرێت بە دادگا". |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad