 |
|
|||
ZNA-ھەولێر گوته‌بێژی حكوومه‌تی هه‌رێمی كوردستان ڕایدەگەیەنێت، لە مانگی داهاتوودا وێرای پشووەكان، مووچە دابەش دەكرێت و بەردەوامی بە دابەشكردنی مووچە دەدرێت.ئه‌مڕۆ پێنجشه‌ممە 23/2/2023، د. جووتیار عادل، گوته‌بێژی حكوومه‌تی هه‌رێمی كوردستان، لەبارەی مووچەی مانگی دوو كە دەكەوێتە مانگی سێ و پشووی زۆریش لەو مانگەدا هەیە، له پرێس كۆنفرانسێكدا ڕایگەیاند: "پێشتر زۆرجار لە ڕۆژانی پشووش مووچەمان دابەش كردووە، بۆیە بۆ مووچەی مانگی داهاتووش كێشە نییە و لە ڕۆژانی پشووش مووچە دابەش دەكرێت، بەپێی خشتەی وەزارەتی دارایی، فەرمانبەران و مووچەخۆران مووچەی خۆیان وەردەگرن."بەپێی رۆژژمێری حكوومەتی هەرێمی كوردستان، لە مانگی داهاتوودا شەش ڕۆژ پشووی فەرمی دەبێت.د. جووتیار عادل دڵنایی دایە مووچەخۆران و گوتی: "دڵنیایی دەدەین حكوومەت هەرچی پێ بكرێت، مووچە لە مانگی داهاتوو دابەش دەكات و بەردەوامى بە دابەشكردنی مووچە ده‌دات."گوته‌بێژی حكوومه‌تی هه‌رێمی كوردستان جەختی له‌وه‌ش كردەوە: "هەموو هەوڵەكانی حكوومەت بۆ ئەوەیە چاكسازی بكات و داهات زیاد بكات، بۆ ئەوەی مووچە بەردەوامی هەبێت و مووچەش لە پێشینەی كارەكانی حكوومەتدایە."لە رۆژی 6/2/2023وە، دەست بە دابەشكردنی مووچەی مانگی یەك كراوە و ڕۆژی 28/2/2023، كۆتایی بە دابەشكردنی مووچە دێت.ئەم هەواڵە 1528جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad