|
 |
|
|||
ZNA-هەولێر سەرۆکی نوێنەرایەتیی حکوومەتی هەرێمی کوردستان لە بەغدا رایگەیاند، کە کۆبوونەوەکانی پێشووتری شاندی هەرێمی کوردستان و بەغدا ئەرێنی بوون و هەنگاوی باش نراوە. دەشڵێ، بڕیارە ئەم هەفتەیە جارێکی دیکە شاندەکە بچێتەوە بەغدا و درێژە بە گفتوگۆکانیان بدەن.فارس عیسا، سەرۆکی نوێنەرایەتیی حکوومەتی هەرێمی کوردستان لە بەغدا، بە ئاژانسی ھەواڵی زاگرۆسی راگەیاند: سەردانی ئەم دواییەی شاندی حکوومەتی هەرێمی کوردستان و کۆبوونەوەکانی پێشووتر لەگەڵ حکوومەتی عێراق، زۆر ئەرێنی بوون و لەسەر ئامادەکردنی یاسای نەوت و غاز گەیشتوونەتە رێککەوتنێکی سەرەتایی.سەرۆکی نوێنەرایەتیی حکوومەتی هەرێمی کوردستان لە بەغدا گووتی: بڕیارە دووسبەی رۆژی دووشەممە جارێکی دیکە شاندی حکوومەتی هەرێمی کوردستان سەردانی بەغدا بکەنەوە و تا کۆتایی هەفتە بمێننەوە، بۆ ئەوەی بەردەوامی بدەنە گفتوگۆکانیان و بگەنە رێککەوتن.ھەروەھا فارس عیسا، سەرۆکی نوێنەرایەتیی حکوومەتی هەرێمی کوردستان لە بەغدا، بە ئاژانسی ھەواڵی زاگرۆس خستەروو، کە گفتوگۆکانی نێوان هەرێم و بەغدا لەبارەی هەردوو پڕۆژەیاسای نەوت و غاز و بودجە بەردەوام دەبن تا دەگەنە رێککەوتنی کۆتایی.رێباز یونسئەم هەواڵە 325جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad