|
 |
|
|||
ZNA - هه‌ولێر
فەرماندەیی ئاسایشی کەناراوەکانی تورکیا رایگەیاند، 63 کۆچبەریان لە کەناراوەکانی تورکیا رزگارکردووە، بەشێکیان لە سنووری یۆنان ناچارکراون بگەڕێنەوە بۆ سنووری تورکیا. ماڵپەڕی فەرمی حکومەتی تورکیا رایگەیاند "لە نزیک کەناراوەکانی شارۆچکەکانی کوشئاداسی و دیدیمی پارێزگای ئایدن لە توركیا، 41 کۆچبەری نایاسایی کە لەلایەن یۆنانەوە ناچارکرابوون بگەڕێنەوە سنوورە ئاوییەکانی تورکیا و 22 کەسی بە رەچەڵەک بیانی کە بەلەمەکەیان لەکارکەوتبوو، رزگارکران". بەگوێرەی روونکردنەوەی ماڵپەڕی فەرمیی فەرماندەیی ئاسایشی کەناراوەکانی تورکیا، تیمەکانیان 11 کۆچبەری نایاساییان رزگارکردووە، کە لەلایەن یۆنانەوە ناچار کرابوون بگەڕێنەوە کەناراوەکانی تورکیا. هاوکات لە نزیک کەناراوەکانی شارۆچکەی دیدیم، 30 کۆچبەری نایاسایی لەسەر دوو بەلەمی رزگارکردن رزگارکران کە بە هەمان شێوە لەلایەن یۆنانەوە بەزۆر نێردرابوونەوە سنوورە ئاوییەکانی تورکیا. لە روونکردنەوەکەدا ئاماژە بەوەکراوە، لەلایەکی دیکەوە لەسەر گەیشتنی زانیاری سەبارەت بە داواکاری هاوکاری لەلایەن ژمارەیەک کۆچبەری نایاساییەوە کە بەلەمەکەیان لەکارکەوتبوو، بەلەمی ئاسایشی کەناراوەکان رەوانەی ناوچەکە کرا. تیمەکان 22 کۆچبەری نایاساییان لەسەر بەلەمەکە رزگارکرد. ئەم هەواڵە 115جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad