2023-03-01 [07:27 AM]

کێشە تەندروستییانە کردووە کەبەهۆی کەمی ڕێژەی ئاسنی خوێنەوە دروست دەبن، بەم جۆرە:

هەناسە تەنگی:

کەمی ئاسنی خوێن دەبێتە هۆی کەمبوونەوەی ڕێژەی ئۆکسجین لە جەستەی مرۆڤدا، ئەمەش بەواتای نەگەیشتنی بڕی تەواوی ئۆکسجین بۆ ماسولکەکانی جەستە تاوەکو چالاکییەکانی خۆیان ئەنجام بدەن، ئەنجامەکەشی زیادبوونی تێکڕای هەناسەدانەو جەستە دەیەوێت بڕێکی تەواو لە ئۆکسجین وەربگرێت.

سەرئێشە و گێژبوون:
کەمی ئاسن لە خوێندا هۆکارە بۆ نەگەیشتنی بڕی تەواو لە ئۆکسجین بۆ مێشک، پاشان دەمارەکانی خوێن فراوان دەبن و هەست بە سەرئێشەیەکی توند دەکرێت.

خێرابوونی لێدانەکانی دڵ:
کەمبوونەوەی ئاستی ئۆکسجین بەواتای ئەوەی پێویستە دڵ بە شێوەیەکی زیاتر هەوڵبدات و کاربکات، ئەمەش وادەکات لێدانەکانی دڵ تێكبچن.

هەوکردن و سوربوونەوەی دەم و زمان:
ئەو کەسانەی توشی ئەم حاڵەتەدەبن، هەست بە ئازار و هەوکردن دەکەن لەناودەم و زمانیاندا.

لەرزینی پێیەکان:
کەمی ئاسنی خوێن دەبێتە هۆی ناجێگیری پێیەکان، تەنانەت لەکاتی بەپێوە وەستان و وەستان بە جێگیری هەست بە لەرزینی پێیەکان دەکرێت، هەروەها لەشەودا دەبێتە هۆی خوورانی پێیەکان.

هەستکردن بە ماندوبوون:
کاتێک جەستە بڕی تەواوی لە ئاسن و ئۆکسجین پێنەگات، ووزە لەدەست دەدات و هەستی ماندووبوون زیاتر دەبێت.

هەستکردن بە سەرما:
دابەزینی ڕیژەی ئۆکسجین لە دەست و پێیەکاندا دەبێتە هۆی هەستکردن بە سەرما تەنانەت لە کەشی گەرماش دا.