فۆتۆ: سەردار قادر
	2023-02-15 [09:30 AM]

لە شاری هەولێر، كەمپینی لقی هەولێری سەندیكای هونەرمەندانی كوردستان، بۆ كۆمەككردنی لێقەوماوانی بوومەلەرزەكەی باكوور و رۆژئاوای كوردستان راگەیێندرا.

لە كەمپینەكەدا كە هەریەك لە فەرهەنگ غەفوور، بەڕێوەبەری گشتی رۆشنبیری و هونەری هەولێر و هیوا سوعاد، سەرۆكی لقی هەولێری سەندیكای هونەرمەندان ئامادەی بوون.

بەڕێوەبەرایەتیی گشتی رۆشنبیری و هونەری هەولێر و بەشێك لە هونەرمەندان بەشداریی ئەو بەهاناوەچوون و كەمپینەیان كرد، تێیدا بڕێكی پێویست لە كەرەستە و پێداویستیی ئەم وەرزی سەرما و سۆڵەیە بۆ خەڵكی لێقەوماو كۆكرایەوە.

کەمپینەکە چەند رۆژێک بەردەوام دەبێت و داوا لە بەشداربوون کراوە، تەنیا بە هێنانی بەتانی بەشداربن، چونکە پارە کەرستەی دیکە وەرناگرن.