2023-03-02 [03:56 AM]

ئەڤرۆ  سپێدێ رۆژا پێنچشەمبى 2ی ئادارا 2023ێ  ل کوچکا مێهڤانداریا  بەرێز  د.عەلى تەتەر پارێزگارێ دهۆکێ پێشوازیا بەرێزان "ئولیڤیێه دیکوتنیى " کونسلێ گشتى یێ وەلاتێ فرەنسا ل هەولێرێ ورێڤەبەرێن سازیێن ئێکسپرێنتیز و ئیفکو یێن فرەنسى کر.
دهەڤدیتنەکێدا بەحسێ  پێکڤە ژیانێ ل دەڤەرێ  وپەیوەندیێن حکومەتا کوردستانێ دگەل فرەنسا وبەرنامێ کونسلخانا فرەنسا وهەردوو سازیێن فرەنسى یێن ناڤبرى بو نوژەنکرنا چەند جهێن شونوارى ل دەڤەرداریا ئامێدیێ ب گشتى هاتە کرن.
هەردوو لا تەکەزى ل سەر گرنگیا نووژەنکرن وپاراستنا شونوارێن هەرێمێ ب گشتى ویێن دەڤەرا ئامێدیێ کر نەخاسمە نووژەنکرنا (قوتابخانا قوبەهان ومزگەفتا مەزن و کەنیسەکا کەڤن وچەند جهێن دى ل ئامێدیێ ).
پارێزگارێ دهۆکێ سوپاسیا حکومەتا فرەنسا وکونسلخانا وى وەلاتى کر ل دور ئەو پشتەڤانیا پێشکێش دکەن وبەرهەڤیا پارێزگەهێ دیارکر بو هەر هەڤکاریەکێ بو یەکێ ئەو جهێن شوونوارى ب باشترین شێوە بهێنە نووژەنکرن.
دهێتە چاڤەرێکرن ل بوهارا ساڵا بهێت دەست ب نوژەنکرنا جهێن ناڤبرى بهێتە کرن و حکومەتا فرەنسا دێ پارێ پێدڤى بو نووژەنکرنا وان شوونوارا دابینکەت.