2023-03-02 [04:18 AM]

ئەڤرۆ  پشتى نیڤرو  رۆژا پێنچشەمبى 2/ ئادارا /2023 ێ  ل کوچکا مێهڤانداریا  بەرێز  د.عەلى تەتەر پارێزگارێ دهۆکێ پێشوازیا بەرێز لورد  "تارق احمد " وەزیرێ دەولەتا بریتانیا بو کاروبارێن رۆژهەلاتا ناڤین وئەفریقیا وباکورێ ئاسیا ونەوتەێن ئێکگرتى ل وەزارەتا دەرڤەیا بریتانیا و بالیوزێ بریتانیا ل عیراقێ وکونسلا وى وەلاتى ل کوردستانێ وشاندێ دگەلدا کر .
دهەڤدیتنەکێدا بەحسێ پەیوەندیێن دێرین یێن حکومەتا کوردستانێ دگەل بریتانیا ورەوشا ئاوارە وپەنابەران ورەوشا پێکڤە ژیانا ئولى ونەتەوەیى ل دەڤەرێ   ب گشتى هاتە کرن.
هەردوو لا تەکەزى ل سەر  پەرەپێدانا پەیوەندیێن دوو قولى   و خورتکرنا گیانێ ئاشتى وتەبایى وپێکڤە ژیانێ ل دەڤەرێ کر.
پارێزگارێ دهۆکێ بناڤێ خو وخەلکێ پارێزگەهێ سوپاسیا حکومەتا بریتانیا کر ل دور ئەو هاریکارى وپشتەڤانیا دبوارێن مروڤایەتى وسیاسى ولەشکرى ودبلوماسى دا یا پێشکێشى خەلکێ هەرێما کوردستانێ دکەن وخواست ئاستێ وان هاریکاریا پتر لێ بهێت  .