 |
|
|||
ZNA : هەولێر توێژینەوەیەکی نوێ کە لە کۆلێژی پزیشکی زانکۆی ئیسلام ئابادی پاکستان ئەنجامدراوە ئاشکرایکردوە، هەڵوژەی وشککراوە دەکرێت یارمەتیدەر بێت بۆ کۆنترۆڵکردنی فشاری خوێن، کە حاڵەتێکی مەترسیدارە بۆ سەر تەندروستی مرۆڤەکان. ماڵپەڕی "عاجل" لە بابەتێکدا ئاماژەی بەوەکردوە، هەڵوژەی وشککراوە یان ئاڵوباڵو کە شەکری تێدا نیە، دەوڵەمەندە بە ڤیتامین (ب-٦) و مەنگەنیز و مس، کە هەموویان رۆڵیان هەیە بۆ دروستکردنی وزە لە خواردنەوە. هەروەها دەوڵەمەندە بەو ڤیتامینانەی کە کاری سیستمی بەرگری باشتر دەکەن، هەروەها بڕێکی باش دژەئۆکسیدی تێدایە کە چالاکیی خانەیی لە جەستەدا باشتر دەکات. لەگەڵ ئەوەشدا توێژینەوەکە سەلماندوویەتی کە ئەو کەسانەی هەڵوژەی وشککراوە دەخۆن، فشاری خوێنیان دادەبەزێت، بەجۆرێك ئەوانەی کە سێ دەنکیان خواردووە لە رۆژێکیدا فشاری خوێنیان بەشێوەیەکی بەرچاو دابەزیوە، ئەوانەش کە شەش دەنکیان خواردووە فشاری خوێنیان زیاتر دابەزیوە. ئەم هەواڵە 247جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad