2023-03-02 [11:03 AM]

ئەمڕۆ لە هۆڵی پێشەوا لە وەزارەتی رۆشنبیری و لاوان، رێكخراوی كوردستان دیالۆگ، دووەمین دیداری شاعیر حەسیب قەرەداغی سازکرد.

یادکردنەوەکە بە ئامادەبوونی حەمەی حەمەسەعید، وەزیری رۆشنبیری و لاوان، ئاریان سەڵاحەدین، بریكاری وەزارەتی رۆشنبیری و لاوان، فەرهەنگ غەفوور، بەڕێوەبەری گشتیی رۆشنبیری و هونەری هەولێر و ژمارەیەكی بەرچاو لە بەرپرسانی باڵای حكوومی و حزبی، ئەدیبان، رۆشنبیران، هونەرمەندان و كەسوكاری شاعیر حەسیب قەرەداغی بەڕێوەچوو.

لەو دیدارەدا كۆمەڵێك وتار پێشكەشكران، لەوانە فەرهەنگ غەفوور لە بری پارێزگاری هەولێر وتارێكی پێشكەشكرد.

هەروەها كۆمەڵێك چالاكیی موزیك و گۆرانی، شیعر خوێندنەوە، فیلمی دیكۆمێنتاری، رێزلێنان لە پۆلێك هونەرمەند و شاعیر و نووسەر و هونەرمەندی هەولێر بەڕێوەچوو، پاشان ناساندنی فەرهەنگی "خەمی ناخ"ـی حەسیب قەرەداغی و دواتر دابەشكردنی بەسەر ئامادەبووان.

فۆتۆ: سەردار قادر