 |
|
|||
ZNA - هەولێر وەزیری نێوخۆی تورکیا رایگەیاند، نزیکەی 46 هەزار کەس بەهۆی بوومەلەرزەوە گیانیان لەدەست داوە و زیاتر لە چوار هەزاریان سوورین. سوله‌یمان سۆیلو، وەزیری ناوخۆی تورکیا لە کۆنفڕانسێکی رۆژنامەوانیدا، لە ناوەندی هەماهەنگی ئافاد لە هاتای، دوایین ئاماری قوربانییه‌كانی بوومه‌له‌رزه‌كانی قه‌هره‌مانمه‌ڕه‌ش خستەڕوو و رایگه‌یاند، ژماره‌ی ئه‌و كه‌سانه‌ی به‌هۆی بوومه‌له‌رزه‌كانه‌وه له‌ژێر داروپه‌ردووه‌كاندا و له نه‌خۆشخانه‌كان گیانیان له‌ده‌ستداوه 45 هه‌زار 968 كه‌سن، گوتیشی چوار هه‌زار و 267 کەس لەوانەی گیانیان لەدەستداوە سوورین. سه‌باره‌ت بە بوونی کێشەی کەمی ئاو له هاتای، وه‌زیری ناوخۆی توركیا رایگه‌یاند، ئه‌وه روونه كه به پاڵنه‌ری سیاسی هەیە و بۆ ئه‌وه‌ی مۆڕاڵی هاوڕێكانمان لێره بڕووخێنن و هه‌وڵێکی زۆر لەوبارەیەوە دراوە. هه‌روه‌ها ئاشكراشی كرد، رێكار له‌به‌رامبه‌ر 613 به‌رپرس و بەڕێوەبەری هه‌زار و 90 هه‌ژمار كه زانیاریی هه‌ڵه‌یان بڵاوكردووه‌ته‌وه گیراوەتەبەر، لەوانە 151 یان ده‌ستگیرکراون و 29 ـی دیکەیان ده‌ستبه‌سه‌ركراون. ئەم هەواڵە 133جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad