|
 |
|
|||
ZNA-هەولێر پێشنيوه‌ڕۆى ئه‌مڕۆ دووشه‌ممه 2023/3/6 به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازى له به‌ڕێز مير حازم ته‌حسين به‌گ، ميرى ئێزدييان كرد. له ديدارێكێدا دۆخى ئێزدييان له كه‌مپه‌كانى ئاواره‌يى و شه‌نگال و له ده‌ره‌وه‌ى وڵات تاوتوێ كرا و تيشك خرايه سه‌ر به‌رده‌واميى پرۆسه‌ى ڕزگاركردنى ڕفێنراوانى ئێزدى و ژيان و گوزه‌رانى ڕزگاركراوان و چۆنيه‌تيى يارمه‌تيدانيان. هه‌ردوولا جه‌ختيان له گرنگيى بايه‌خدانى به‌رده‌وام به دۆخى ئێزدييان و جێبه‌جێكردنى ڕێككه‌وتنى حكوومه‌تى هه‌رێمى كوردستان و حكوومه‌تى فيدراڵيى عێراق بۆ ئاساييكردنه‌وه‌ى دۆخى شه‌نگال كرده‌وه، بۆ ئه‌وه‌ى خه‌ڵكى ناوچه‌كه بتوانن بگه‌ڕێنه‌وه شوێنه‌كانيان و له‌سه‌ر ئاستی هه‌رێمى كوردستان، عێراق و جيهان يارمه‌تى بدرێن بۆ ئاوه‌دانكردنه‌وه‌ى شه‌نگال و ناوچه‌كه به‌گشتى. سه‌رۆك نێچيرڤان بارزانى به‌رده‌واميى هه‌موو پشتگيرييه‌كى بۆ ئێزدييان و پاراستنى مافه‌كانيان له عێراق و هه‌رێمى كوردستان دووپات كرده‌وه، هه‌روه‌ها دڵنيايى دا كه پرۆسه‌ى ڕزگاركردنى ڕفێنراوان و ئاشكراكردنى چاره‌نووسيان به‌رده‌وام ده‌بێت و هه‌رچى پێويست بێت بۆ ڕزگاركردن و يامه‌تيدانيان، درێخى ناكرێت. لاى خۆيه‌وه به‌ڕێز ميرى ئێزدييان، سوپاس و پێزانينى خۆى و ئێزدييانى بۆ پشتگيريى به‌رده‌وام و هاوكارييه‌كانى سه‌رۆك نێچيرڤان بارزانى، به‌تايبه‌تيش هه‌وڵه‌كانى به‌ڕێزيان بۆ ڕزگاركردنى ڕفێنراوانى ئێزدى و به‌رگريكردن له مافه‌كانيان، ده‌ربڕى. ئه‌نجامى دوايين سه‌ردان و ديداره‌كانى به‌ڕێز ميرى ئێزدييان له‌گه‌ڵ قه‌داسه‌تى پاپاى ڤاتيكان و به‌رپرسانى وڵاتان له ئه‌ورووپا و عێراق و ناوچه‌كه، ته‌وه‌رێكى ديكه‌ى ديداره‌كه بوو. ئەم هەواڵە 202جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad