 |
|
|||
هەولێر ZNA بەڕێوەبەری گرتووخانەی چاکسازیی ژنان و منداڵانی هەولێر رایگەیاند، هێزە ئەمنییەکان ئەو راگیراوەیان لە شاری هەولێر دەستگیرکرد کە شەوی یەکشەممە لەگەڵ پێنج کەسی دیکەدا هەڵاتبوون، دەشڵێت: لە ماڵێکدا لە گەڕەکی 94ی باداوانی هەولێر دەستگیرکراوە.
تەیب عەبدولعەزیز، بەڕێوەبەری گرتووخانەی چاکسازیی ژنان و منداڵانی هەولێر رایگەیاند: کاژێر نزیکەی 01:30 خولەکی پاشنیوەڕۆی ئەمڕۆ سێشەممە، هێزە ئەمنییەکان دوای دەستکەوتنی زانیاری و سەرەداو لەسەر ئەو کەسەی لە گرتووخانە هەڵاتبوو، توانییان لە ماڵێکدا لە هەولێر دەستگیری بکەن.
تەیب عەبدولعەزیز گوتیشی، "ئەو کەسەی هەڵاتبوو و دەستگیرکراوەتەوە، کوردی رۆژئاوای کوردستانە و تەمەنی 20 ساڵە، بەپێی ماددەی 446ـی دزیکردن راگیرابوو، لە رۆژی 20ـی مانگی شوباتەوە لەلای ئێمەیە و ئەو کەیسەی لەسەری گیرابوو کەیسێکی زۆر قورس نییە."
بەپێی زانیارییەکان کە لە سەرچاوەیەکی پۆلیس وەریگرتووە، ئەو کەسەی دەستگیرکراوەتەوە ناوی (ب.م)ـە و لە گەڕەکی 94ی باداوانی هەولێر دەستگیرکراوەتەوە.
شەوی یەکشەممە، 5ـی ئاداری 2023، شەش کەس کە بەپێی وەزارەتی کار و کاروباری کۆمەڵایەتی ئەو کەسانە لە گرتووخانەی چاکسازیی ژنان و منداڵانی هەولێر راگیرابوون، هەوڵی هەڵاتنیان لە گرتووخانەکە دا و دووانیان لە هەوڵەکەیاندا سەرکەوتوو بوون و چوار کەسەکەی دیکە نەیانتوانی بچنە دەرەوەی گرتووخانەکە.
رۆژی دواتر ئاریان ئەحمەد، بەڕێوەبەری راگەیاندنی وەزارەتی کار و کاروباری کۆمەڵایەتی گوتی: "ئەوانەی هەڵاتوون پێنجیان دەستگیر کراونەتەوە، کە تەمەنیان لە خوار 18 ساڵییەوە بووە."
بەگوتەی ئاریان ئەحمەد، ئەو شەش کەسە "هیچیان سزادراو نین و هەموویان راگیراوی وەزارەتی ناوخۆن، لە چاکسازییەکەدا میوان بوون." ئەم هەواڵە 262جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad