 |
|
|||
ZNA-ھەولێر سەرۆکی نوێنەرایەتی حکوومەتی ھەرێمی کوردستان لە بەغدا رایگەیاند، کە بڕیارە هەفتەى داهاتوو شاندى هەرێمى کوردستان بچێتەوه بەغدا و رەشنووسی پڕۆژەیاسای نەوت و گازیش لەگەڵ خۆى ببات.فارس عیسا، سەرۆکی نوێنەرایەتی حکوومەتی ھەرێمی کوردستان لە بەغدا، بە ئاژانسی ھەواڵی زاگرۆسی ڕاگەیاند: شاندى تایبەتى دانوستاندنکارى هەرێمى کوردستان هەفتەى داهاتوو دەچێتە بەغدا بۆ گفتوگۆکردن لەگەڵ لایەنە پەیوەندیدارەکانى حکوومەتى عێراق لەسەر چەند پرسێک کە پێشووتر گفتوگۆیان لەسەر کردبوو بەتایبەت بابەتى یاسای نەوت و گاز.ھەروەھا فارس عیسا، سەرۆکی نوێنەرایەتی حکوومەتى هەرێمى کوردستان لە بەغدا ئەوەشی بۆ ئاژانسی ھەواڵی زاگرۆس خستەروو، کە بۆ ئەو مەبەستە شاندەکەى هەرێمى کوردستان رەشنووسی پڕۆژە یاسای نەوت و گاز دەهێنێت و لەگەڵ وەزارەتى نەوتى عێراق گفتوگۆى لەسەر دەکەین و دواى ڕێککەوتن لەسەرى و تێکهەڵکێشکردنى لەگەڵ ڕا و پێشنیار و یاسای نەوتى ئەوان، دەیکەینە پڕۆژە یاسایەک و بەمەبەستى گفتوگۆکردن و پەسندکردن دەینێرینە ئەنجوومەنى نوێنەرانى عێراق.
ئەم هەواڵە 304جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad