 |
|
|||
ZNA - هەولێر ده‌زگاكانی هه‌ڵبژاردنی پارتی و یه‌كێتی له شاری هه‌ولێر كۆبوونه‌وه، له راگه‌یه‌ندراوێكی هاوبه‌شدا ئاماژه به‌وه ده‌كه‌ن، كۆبوونه‌وه‌كه‌یان ئه‌رێنی بوو و لێكتێگه‌یشتنی هاوبه‌ش هه‌بووه.ئه‌مڕۆ (چوارشه‌ممه 8ـی ئادار / مارسی 2023)، به‌شی هه‌ڵبژاردنی پارتی دیموكرتی كوردستان و ده‌زگای هه‌ڵبژاردنی یه‌كێتی راگه‌یه‌ندراوێكی هاوبه‌شییان بڵاوكرده‌وه، تێیدا هاتووه: له باره‌گای مه‌كته‌بی سیاسی یه‌كێتی له هه‌ولێر، هه‌ردوو به‌شی هه‌ڵبژاردنی پارتی و ده‌زگای هه‌ڵبژاردنی یه‌كێتی له‌باره‌ی هه‌مواری یاسای هه‌ڵبژاردن و كاراكردنه‌وه‌ی كۆمیسیۆنی باڵای سه‌ربه‌خۆی هه‌ڵبژاردن و راپرسی كوردستان، كۆبوونه‌وه، لێكتێگه‌یشتنی هاوبه‌ش هه‌بوو.له راگه‌یه‌ندراوه‌كه‌دا هه‌روه‌ها هاتووه: نوێنه‌رانی پارتی و یه‌كێتی له په‌رله‌مانی كوردستان، ده‌ست به هه‌نگاوه یاساییه‌كان ده‌كه‌ن، به ره‌چاوكردنی بۆچوونی لایه‌نه سیاسییه‌كانی دیكه و هاوڕابوون له‌سه‌ر ئه‌وه‌ی پێكهاته‌كانی هه‌رێمی كوردستانیش خاوه‌نی ئیراده‌ی خۆیانن و پێویسته سه‌رنج و تێبینییه‌كانیان وه‌ربگیرێت.ئەم هەواڵە 196جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad