2023-03-08 [05:35 AM]

ئەڤرۆ  سپێدێ  رۆژا چارشەمبى  8/ ئادارا  /2023  ب چاڤدێریا  بەرێز  د.عەلى تەتەر پارێزگارێ دهۆکێ وب ئامادەبونا جەهوەر عەلى دەڤەردارێ دهۆکێ وعومەر عەلى تاها رێڤەبەرێ گشتى یێ پەروەردێ ئاڤاهیێ نوو یێ قوتابخانێن ئامەد و  ناز ل سەنتەرێ دهۆکێ هاتە ڤەکرن .
پارێزگارێ دهۆکێ گەریانەک ل ناڤ پشکێن قوتابخانێ کر وژنێزیک سەحکرە رەوشا ئاڤاهى ودەست خوشى ل گروپێ (یوبى ھولدینگ) کر کو  ئاڤاهى ب رێک وپێکى ئاڤاکریە وخواست دەولەمەند وسەرمایدار چاڤ ل گروپێ یوبى گولدن بکەن وڤان جورە پرۆژێن خزمەتگوزارى بو خەلکێ پارێزگەهێ ئاڤاکەن.
هەژى گوتنێ یە قوتابخانا ناڤبرى لسەر روبەرێ پتر ژ شەش هەزار مترێن چار گوشە هاتیە ئاڤاکرن ژ18پولا وهول وتاقیگەه وپێدڤیێن دن یێن خاندنێ پێک دهێت  وژلایێ گروپێ یوبى گولدن ب گوژمێ ملیونەک و(700) هزار دولارا هاتیە ئاڤاکرن .