 |
|
|||
ZNA-ھەولێر وتەبێژى وەزارەتى کارەبای حکومەتی ھەرێمی کوردستان رایگەیاند، کە پرۆژەکانى فراوانکردنى تۆڕى کارەبا و بڕى بەرهەمهاتووى کارەبا بەردەوامن کە گرنگترینیان کارکردنە لە فراوانکردنى وێستگەکانى خورمەڵە.ئومێد ئەحمەد، وتەبێژى وەزارەتى کارەبای حکومەتی ھەرێمی کوردستان، بە ئاژانسی ھەواڵی زاگرۆسی ڕاگەیاند: کارەکانى وەزارەتى کارەبا بۆ گەیاندنى کارەبا بۆ هاووڵاتییان و سیانەکردنەوە و فراوانکردنى تۆڕى کارەبا بەردەوامە، بەجۆرێک کە ئێستا لە چوار ھەزار و ١٠٠ مێگاوات کارەباى بەرهەمهاتوو نزیک دەبینەوە.ھەروەھا ئومێد ئەحمەد، وتەبێژى وەزارەتى کارەبای حکومەتی ھەرێمی کوردستان ئەوەشی بۆ ئاژانسی ھەواڵی زاگرۆس خستەروو، کە گرنگترین ئەو کارانەى کە ئێستا وەزارەتى کارەبا لە بەردەستیەتى کارکردنە لەسەر زیادکردنی بەرھەمی کارەبا لە وێستگەى کارەباى بازیان و فراوانکردنی وێستگەیەکی دیکەی کارەبا کە بەرھەمەکەی ٢٥٠ مێگاواتە تا کۆتایى ئەمساڵ تەواو دەبێت، هاوکات بڕى ٥٠٠ مێگاواتی دیکە لە تۆڕى کارەباى وێستگەی گازی خۆرمەڵە زیاد دەکرێت و ئەویش بڕیارە ساڵى داهاتوو تەواو بکرێت.
ئەم هەواڵە 250جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad