2023-03-10 [08:16 AM]

گوێز یەکێکە لەو خۆراکانەی سوودێکی زۆری هەیە بۆ جەستە، ڕێژەی کۆڵیسترۆڵی خوێن دادەبەزێنێت بەشێوەیەکی بەرچاو، کاریگەری هەیە لەسەر باشترکردنی تەندروستی دڵ.

‎ماڵپەڕی "العربیة" لە بابەتێکدا باس لەوەدەکات، گوێز یەکێکە لە خۆراکە زۆر باشەکان بۆ پێست و دەوڵەمەندە بە چەندین ماددەی خۆراکی و ڤیتامینەکان کە کاریگەری گرنگیان دەبێت لەسەر جوانی و درەوشانەوەی پێست.
‎هەروەها باسی لە دیارترین سوودەکانی خواردنی نیو کوپ گوێز کردووە بەشێوەی رۆژانە بۆ تەندروستی و گەشانەوەی پێست کە ئەمانەن:
‎١. کاریگەری بەرچاوی هەیە لەسەر دواخستنی نیشەنەکانی پیری بەهۆی دەوڵەمەندی بە دژە ئۆکسانەکان و ڤیتامینB.
‎٢. پێست بەشێداری دەهێڵێتەوە و ڕێگرە لە وشکبوونەوەی بەهۆی دەوڵەمەندی بە ڕێژەی ئۆمێگا سێ.
‎٣. ڕێگرە لە کۆبوونەوەی چەوری و دروستبوونی زیپکە لەسەر روخسار بەهۆی ئەوەی دژی هەوکردنەکان دەوەستێتەوە.
‎٤. کاریگەری بەرچاوی هەیە لەسەر کەمکردنەوەی ڕەشی ژێرچاو بەهۆی دەوڵەمەندی بە ڤیتامین E.
‎٥. پێست گەشاوە و درەوشاوەتر دەکات، بەهۆی دەوڵەمەندی بە بەکتریا سوودبەخشەکان.
‎٦. چەورییە سوودبەخشەکانی تێدایە کە کاریگەرییان هەیە لەسەر باشکردنی پێستی سەری مرۆڤ.