|
 |
|
|||
ZNA - هه‌ولێر
سەرۆکی ئەمریکا، جۆ بایدن بڕیاری درێژکردنەوەی "دۆخی لەناکاوی نیشتمانیی" تایبەی بە ئێرانی دەرکرد. بەگوێرەی راگەیەندراوێکی کۆشکی سپی، بایدن فەرمانێکی ئاراستەی کۆنگرێس کردووە بۆ درێژکردنەوەی بڕیارنامەی سەرۆکایەتی "دۆخی لەناکاوی نیشتمانیی" کە لە ساڵی ۱۹۹٥ دا بۆ بەرەنگاربوونەوەی هەڕەشەکانی ئێران بۆسەر ئاسایشی نیشتمانیی، سیاسەتی دەرەوە و ئابووری ئەمریکا، راگەیەندرابوو. جۆ بایدن رایگەیاندووە کە "بەهۆی چالاکییە مووشەکییەکانی و بەردەوامیدانی بە بەرهەمهێنانی چەک، هێرشەکانی بۆسەر ناوچەکە، پشتیوانیکردنی گرووپە تیرۆریستییەکان و چالاکییە زیانبەخشەکانی سوپای پاسداران و هاوپەیمانەکانی، هەڕەشە نائاساییەکانی ئێران بۆسەر ئاسایشی نیشتمانیی، سیاسەتی دەرەوە و ئابووری ئەمریکا، بەردەوامن". بەمهۆیانەشەوە سەرۆکی ئەمریکا داوای کردووە "دۆخی لەناکاوی نیشتمانیی" تایبەت بە ئێران درێژ بکرێتەوە کە ماوەی ئاسایی خۆی لە ۱٥ی ئاداری ۲۰۲۳دا کۆتایی دێت.
AA ئەم هەواڵە 118جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad