2023-03-11 [04:20 AM]

سەرۆکی لیژنەی خزمەتگوزاری و ئاوەدانیی لە ئەنجومەنی نوێنەرانی عێراق رایگەیاند، کە ٢٥٠ ملیار دینار تەرخانکراوە بۆ قەزای شەنگال، ئەگەر گروپە چەکدارەکان رێگری نەکەن ئەوە شەنگال ئاوەدان دەکرێتەوە.

مه‌حما خه‌لیل، سەرۆکی لیژنەی خزمەتگوزاری و ئاوەدانیی لە ئەنجومەنی نوێنەرانی عێراق، بە ئاژانسی ھەواڵی زاگرۆسی راگەیاند: لە ئەگەری مانەوەی گروپە چەکدارەکان حکومەت ناتوانێت پرۆژەی خزمەتگوزاری لە شەنگال ئەنجام بدات، ئەم سال بە گوژمەی ٢٥٠ ملیار دینار تەرخانکراوە بۆ قەزای شەنگال، ئەگەر گروپە چەکدارەکان رێگری نەکەن ئەوە شەنگال ئاوەدان دەکرێتەوە.

سەرۆکی لیژنەی خزمەتگوزاری و ئاوەدانیی لە ئەنجومەنی نوێنەرانی عێراق گووتی: چەندین پرۆژەی خزمەتگوزاری لە شەنگال ئەنجام دەدرێن، کار لەسەر ئەوە کراوە لە بودجەی سالی ٢٠٢٣ی عێراق زیاتر گرنگی بە قەزای شەنگال بدرێت و خەلکی زیانلێکەوتوو قەرەبوو بکرێنەوە، کە لە ئەنجامی ھئرشی تیرۆرستانی داعش لە سالی ٢٠١٤ زیانێکی زۆریان بەرکەوتووە، بۆیە دەبێت قەرەبوو بکرێنەوە و رێکەوتنامەی شەنگال بچێتە واری جێبەجێکردنەوە، تاوەکو دۆخی شەنگال ئاسایی ببێتەوە و بتوانن خزمەتگوزاری ئەنجام بدەن.

ھەروەھا مه‌حما خه‌لیل، سەرۆکی لیژنەی خزمەتگوزاری و ئاوەدانیی لە ئەنجومەنی نوێنەرانی عێراق ئەوەشی بۆ ئاژانسی ھەواڵی زاگرۆس خستەروو، کە چوار ھەزار زیانلێکەوتووی قەزای شەنگال قەرەبوو دەکرێنەوە، ھەموو ھەولێک دەدەین بۆ گەرانەوەی ژیانی ئاسایی ھاولاتیان لە قەزای شەنگال، ھەروەھا دابینکردنی ھەلی کار بۆ ھاولاتیانی قەزای شەنگال، ئێمە ھیوادارین گروپە چەکدارەکان قەزای شەنگال چۆل بکەن بۆ ئەوەی خەلک بتوانێت دەست بە ژیانی خۆیان بکەنەوە و شارەکەیان ئاوەددان بکەنەوە.

رێباز یونس