2023-03-12 [01:37 AM]

لەمانگی شوباتی ئەمساڵدا ٦١٩، مامەڵەی ئازادبوونی سزادراوان لەناو چاکسازیەکانی ھەرێمی کوردستان ئەنجامدراوە

بەڕێوەبەرایەتی گشتی چاکسازی کۆمەڵایەتی لە ڕاگەیاندراوێکدا بڵاویکردەوە: " لەمانگی شوباتی ئەمساڵدا لەناو بەڕێوەبەرایەتیەکانی چاکسازی گەوران و ژنان و منداڵان لە شارەکانی ھەولێر و سلێمانی و دھۆک ٦١٩ مامەڵەی ئازادبوونی سزادراوان ئەنجامدراوەو گەڕاونەتەوە ناو کەس و کارو خانەوادەکانیان."
کە لەچاکسازیەکانی گەوران ٣٤٤ مامەڵەو لەچاکسازیەکانی ژنان و منداڵان ٢٧٥ مامەڵە بووە.

بەڕێوەبەرایەتی گشتی چاکسازی کۆمەڵایەتی ئاشکراشی کردووە،لەبەرامبەردا ٦١١ سزادراوی نوێ ھاتوونەتە ناو چاکسازییەکان بۆ بەسەر بردنی ماوەی حوکمەکانیان , کە لەچاکسازیەکانی گەوران ٣٤٥ مامەڵەو لەچاکسازیەکانی ژنان و منداڵان ٢٦٦ مامەڵە بووە .