2023-03-13 [09:54 AM]

ئه‌مڕۆ دووشه‌ممه‌ 13 ی ئادار، سه‌ردار ئیسماعیل به‌ڕێوه‌به‌ری گشتیی وه‌رزشی هه‌رێمی كوردستان ئاماده‌ی كردنه‌وه‌ی خولێكی راهێنه‌رایه‌تیی له‌شجوانی بوو. 
خوله‌كه‌ به‌ سه‌رپه‌رشتیی یه‌كێتیی له‌شجوانی و لێهاتوویی جه‌سته‌یی - لقی هه‌ولێر بوو و له‌ ژێر چاودێریی یه‌كێتیی ناوه‌ندی له‌شجوانی و لێهاتوویی جه‌سته‌یی عێراق به‌ڕێوه‌ چوو. 
له‌ كردنه‌وه‌كه‌دا به‌ڕێوه‌به‌ری گشتی وته‌یه‌كی پێشكه‌ش ئاماده‌بووان كرد و تێیدا رۆڵی لقی هه‌ولێری یه‌كێتیی له‌شجوانی به‌رز نرخاند له‌ گرنگیدان به‌م وه‌رزشه‌. هه‌ر له‌ وته‌كه‌یدا داوای له‌ به‌شداربووان كرد وه‌ك راهێنه‌ر پێویسته‌ زانیاریی ته‌واویان له‌سه‌ر جه‌سته‌ی یاریزان هه‌بێت و  شاره‌زاییان له‌ هه‌موو یاساكانی ئه‌م وه‌رزشه‌ هه‌بێت تا بتوانن كاره‌كانیان له‌م بواره‌ به‌ جوانترین شێوه‌ رابپه‌ڕێنن.
جێی باسه‌ كردنه‌وه‌ی خوله‌كه‌ بۆ به‌رزكردنه‌وه‌ی ئاستی راهێنه‌رانی یارییه‌كه‌ بۆ پله‌ی C ساز كرا و كۆمه‌ڵێك وه‌رزشوان به‌شدارییان تێدا ده‌كه‌ن و ئه‌مڕۆ ده‌ستی پێكرد و ماوه‌ی پێنج رۆژ ده‌خایه‌نێ. 
راگه‌یاندنی به‌ڕێوه‌به‌رایه‌تیی گشتیی وه‌رزش - كوردستان