 |
|
|||
ZNA - هه‌ولێر
نرخی کارتۆنێک هێلکە لە بازاڕەکانی هەرێمی دابەزی، بەڕێوەبەری سامانی ئاژەڵ لە وەزارەتی کشتوکاڵ دەڵێت، هێلکەی نێوخۆ زۆرە و خواستیش لەسەری کەمبووەتەوە. سۆران عەبدولغەفوور، بەڕێوەبەری چاودێریی بازرگانیی سلێمانی ئەمڕۆ (دووشەممە، 13ـی ئاداری 2023) ئاشكرای كرد: "هێلکە نرخەکەی زۆر دابەزیوە. ئەمڕۆ کارتۆنێک بە 52 بۆ 53 هەزار دینارە". هەر کاتۆنێک هێلکە 12 تەبەقەی تێدایە. ئەمڕۆ لە بازاڕەکانی هەولێر و سلێمانی تەبەقەی بە چوار هەزار و 500 دینار دەفرۆشرێت. سەرەتای ساڵ تەبەقەی بە شەش هەزار و 500 دینار بوو. سۆران عەبدولغەفوور لەبارەی دابەزینی نرخی هێلکە گوتی: "بەرهەمی نێوخۆیی هێلەکەمان زۆرە؛ ئێستاش بەرهەمێکی زۆر لە بازاڕەکاندایە و ئەوەش هۆکاری دابەزینی نرخەکەیەتی". سەرەتای ئەمساڵ بەهۆی؛ ناجێگیریی بەهای دۆلار، گرانبوونی بەهای ئالیک و هەناردەکردنی هێلکە بۆ دەرەوەی عێراق، نرخی کارتۆنێک هێلکە لە هەرێمی کوردستان گەیشتبووە 75 هەزار دینار؛ دواتر و لە مانگی رابردوو، نرخەکەی بۆ 68 هەزار دینار دابەزی.
رووداو ئەم هەواڵە 184جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad