 |
|
|||
ZNA-ھەولێر ئەمرۆ دووشەممە سەرۆکایەتیی پەرلەمانی کوردستان و سەرۆک فراکسیۆنەکان لەگەڵ نوێنەری پێکهاتەکان لەبارەی هەڵبژاردنی پەرلەمانی کوردستانەوە کۆبوونەوەیەکیان ئەنجام دا.سارا چاوشلی، ئەندامی پەرلەمانی کوردستان لە فراکسیۆنی پارتى گه‌شه‌پێدانى توركمان، بە ئاژانسی ھەواڵی زاگرۆسی راگەیاند: ئەمڕۆی دووشەممە ١٣ی٣ی٢٠٢٣ سەرۆکایەتیی پەرلەمان لەگەل پێکهاتەکان کۆبوونەوەیی ئەنجامدا و ئەنجامی کۆبوونەوەکەش زۆر باش بوو و داوامان کرد بە زووترین کات هەڵبژاردن بکرێت و بۆ پێکهاتەکانیش یەک بازنە بێت، ئێمە هیچ کاتێک نەبووینە گرفت لە بەردەم هەڵبژاردن و هەمیشە هۆکارێکی خێر بووین، بۆیە پێویستە هەڵبژاردن لە کاتی خۆی ئەنجام بدرێت.ئەندامی پەرلەمانی کوردستان لە فراکسیۆنی پارتى گه‌شه‌پێدانى توركمان گووتی: هەموو پێکهاتەکان کۆک بوون کە هەڵبژاردن یەک بازنەیی بێت و هۆکارەکەشی ئەوەیە، چونکە شوێن هەیە کە مەسیحی هەر لێ نییە و ناکرێت بازنە بێت و مەسیحی لێ نەبێت، بۆیە پێویستە یەک بازنەیی بێت و هەڵبژاردنیش لە کاتی خۆی هەبێت و کۆمسیۆنیش کارا بکرێت.ھەروەھا سارا چاوشلی، ئەندامی پەرلەمانی کوردستان لە فراکسیۆنی پارتى گه‌شه‌پێدانى توركمان ئەوەشی بۆ ئاژانسی ھەواڵی زاگرۆس خستەروو ، کە ئێمە نامانەوێ بەربەست لە بەردەم هەڵبژاردن و کورسیی کۆتاکانیش زیاد بکرێت نەک دابەش بکرێن و هەرکاتێک زیاد کرا ئەوکات ڕاستەوخۆ بەسەر هەموو ناوچەکان دابەش دەبن.
ئەم هەواڵە 250جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad