 |
|
|||
ZNA-هەولێر
بەپێی بەرنامەی کاری دەستەی سەرۆکایەتی پەرلەمانی کوردستان، کۆبوونەوەی ئەمڕۆیان دوو بڕگە لەخۆ دەگرێت، یەکەمیان دروستكردنی لیژنەیەكە لە ئەندامانی پەرلەمانی كوردستان تایبەت بە پاڵاوتنی ئەندامانی ئەنجومەنی كۆمسیاران بەپێی بەندی (1) لە بڕگەی (یەكەم)ی ماددەی (پێنجەم) لە یاسای كۆمسیۆنی باڵای سەربەخۆی هەڵبژاردن و راپرسی ژمارە (4)ی ساڵی 2014، ئەمەش وەک هەنگاوێک بۆ کاراکردنەوەی کۆمسیۆنی هەڵبژاردن و راپرسی بۆ ئەوەی ئەمساڵ هەڵبژاردنی خولی شەشەمی پەرلەمان بکرێت. بڕگەی دووەمی کۆبوونەوەی پەرلەمانی کوردستان تایبەت دەبێت بە سوێندخواردنی حەوت پاڵێوراو بۆ ئەندامێتيی پەرلەمانی كوردستان پڕکردنەوەی شوێنی ئەو حەوت پەرلەمانتارەی دەستیان لەکارکێشاوەتەوە. بەرنامەی کاری کۆبوونەوەی ئەمڕۆی پەرلەمان: به‌پێی حوكمی مادده‌ی (٥) و بڕگه‌ی (یه‌كه‌م) له مادده‌ی (١٦) و بڕگه‌ی (سێیه‌م) له مادده‌ی (١٨) و بڕگه‌كانی (یه‌كه‌م، دووه‌م، سێیه‌م، چواره‌م و پێنجه‌م) له مادده‌ی (٢٠) و مادده‌كانی (٤٧، ٤٨)و بڕگەی (یەكەم) لە ماددەی (٥٢) و ماددەكانی (٥٤، ٥٥، ٥٦، ٥٧) له په‌یڕه‌وی ناوخۆی په‌رله‌مانی كوردستان-عێراق، ده‌سته‌ی سه‌رۆكایه‌تيی په‌رله‌مان بڕیاریدا به‌رنامه‌ی كاری دانیشتنی ژماره (٢)ی ئاسایی خولی به‌هاره‌ى ساڵی پێنجه‌م له خولی پێنجه‌می هه‌ڵبژاردنی په‌رله‌مان له كاتژمێر (١٢)ی نیوه‌ڕۆی ڕۆژی چوارشەممە ڕێكه‌وتی ٢٠٢٣/٣/١٥ به‌مشێوه‌یه بێت: |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad