|
 |
|
|||
ZNA – هەولێر ڕاپۆرتێکی ڕۆژنامەی، مەعاریف-یی ئیسرائیلی هۆشداری داوە لە نوێکردنەوەی پەیوەندییەکانی قاهیرە لەگەڵ تاران، سەرەڕای هەندێک خاڵی ناکۆکی نێوانیان، وەک هەڵوێستی ئێران سەبارەت بە حەماس و جیهادی ئیسلامی لە غەززە. ڕۆژنامەکە ئاماژەی بەوەشکردووە، قسەکانی ناسر کەنعانی گوتەبێژی وەزارەتی دەرەوەی ئێران سەبارەت بە نوێکردنەوەی پەیوەندییەکانی نێوان هەردوو وڵات، پشتڕاستی دەکاتەوە کە هاوپەیمانی نوێی عەرەبی و ئێرانی خەریکە جێبەجێ دەکرێت، دوای ئەوەی سعودیە چەند ڕۆژێک لەمەوبەر ئەنجامیدا. لە ڕۆژنامە ئیسرائیلیەكەدا هاتووە، پەیوەندی لە نێوان هەردوو وڵاتدا هەیە، بەو پێیەی قاهیرە و تاران لە قسەکردنیان نەوەستاون، ئێرانیش ڕێز لە میسر و سەرکردایەتی سیاسییەکەی دەگرێت. مەعاریف ئاماژەی بەوەشكرد، لە ماوەی یەک ساڵی ڕابردوودا ئێران چەندین جار بە ڕوونی ڕایگەیاندووە پشتیوانی لە گفتوكانی لەگەڵ میسر دەکات، لەسەر ئاستی ئەمنی و سیاسی. گوتەبێژی وەزارەتی دەرەوەی ئێران رایگەیاندبوو، لە کۆتایی ساڵی ڕابردوودا دیدارێکی "ئەرێنی" لە نێوان وەزیری دەرەوەی ئێران و عەبدولفەتاح سیسی سەرۆک کۆماری میسر لە سەڵتەنەی عومان هەبووە. ڕۆژنامەكە ئەوەشی ئاشكراكردووە، پەیوەندییەکانی نێوان ئێران و سعودیە دەرگای بۆ ئەم پەیوەندیەی نێوان قاهیرە و تاران کردەوە. و/ج س/RT ئەم هەواڵە 109جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad