2023-03-15 [03:08 AM]

ئەمرۆ چوارشەممە 2023.3.15، لە ژێرچاودێرى ئومید خۆشناو، پاریزگارى هەولێر، بەیاوەرى ئاریان سلاح الدین، بریکارى وەزارەتى ڕۆشنبیرى و هێمن قادر، جێگرى پارێزگار و ئەکرەم ئەحمەد، یاریدەدەرى پارێزگار و نەبەز عەبدولحەمید، قائیمقامى ناوەند و فەرهەنگ غەفوور، بەڕێوەبەرى گشتیى ڕۆشنبیرى و هونەرى هەولێر و عەبدولواحید ئەحمەد، سەرۆکى شارەوانى هەولێر و ژمارەیەکى دیکە لە هونەرمەند و هونەر دۆستان، لە چوارچێوەى کارو چالاکییە هونەرییەکانى 13 مین فیستڤاڵى یادەکانى ئازادى و نەورۆز، پیشانگایەکى شێوەکارى و فوتۆگرافى هاوبەش لەگەلەرى میدیا کردەوە.

پارێزگارى هەولێر دواى کردنەوەى پیشانگاکە و بەسەرکردنەوەى تابلۆکانی، دەستخۆشى لە هونەرمەندان و سەرپەرشتیار و بەشداربووانى پیشانگاکە کرد و هیوای سەرکەوتنى بۆ خواستن، پاشان لە ڕێورەسمێکدا لەلایان پارێزگارى هەولێر و ئامادەبووان، رێزلێنانى پارێزگا بەسەر ژمارەیەک هونەرمەندى شێوەکار دابەشکرا.