2023-03-09 [04:44 AM]

داهاتی فیلمی ئەنیمەیشن "Puss in Boots: The Last Wish" لە سینەماکانی جیهاندا بۆ میدیاکان ئاشکرا کرا.
ئەم بەرهەمە سینەماییە لە 21ـی کانوونی دووەمی 2023 لە سینەماکاندا بڵاوکرایەوە، داهاتی لە سینەماکانی جیهاندا 462 ملیۆن و 125 هەزار دۆلارە.

داهاتی ئەم بەرهەمە لە سینەماکانی ئەمریکای باکوور 179 ملیۆن و 729 هەزار دۆلارە و داهاتی لە سینەماکانی دیکەی جیهاندا 282 ملیۆن و 396 هەزار دۆلارە.

ئەم بەرهەمە بەشی دووەمی "Puss in Boots"یە کە یەکەم بەشی لە 2011 بڵاوکرایەوە و داهاتێکی زۆری لە سینەماکاندا بەدەستهێنا، ئەوکات هەردوو ئەکتەری سینەمایی ئەنتۆنیۆ باندێراس و سەلما عایک رۆڵی سەرەکیان تێیدا گێڕا.

کارەکتەری سەرەکی ئەم بەرهەمە ئەنیمەیشنە بۆ یەکەمجار لە بەشی دووەمی فیلمی 'SHREK' دەرکەوت.