2023-03-14 [05:30 AM]

کەناڵی ئەی بی سیی ئەمریکی کە پەخشی راستەوخۆی رێوڕەسمی بەخشینی ئۆسکار دەگوازێتەوە، رایگەیاند، خولی ئەمساڵ 18 ملیۆن و 700 هەزار بینەری لە ئەمریکا هەبووە.

رێژەی بینەرانی رێوڕەسمەکە بە براوردە لەگەڵ ساڵی رابردوو بە رێژەی 10% زیادی کردووە و ساڵی رابردوو ژمارەی بینەرانی لە ئەمریکا 16 ملیۆن و 700 هەزار بینەر بووە.

هەرچەند ژمارەی بینەرانی رێوڕەسمی ئۆسکار بە بەراورد لەگەڵ ساڵی رابردوو زیادیکردووە، بەڵام بە بەراورد لەگەڵ ساڵانی پێشوو، ئەم رێژەی دەکاتە سێ چارەگی ژمارەی بینەرانی.

بەر لە 25 ساڵ، رێوڕەسمی بەخشینی خەڵاتەکانی ئۆسکار زۆرترین بینەری هەبووە، ئەویش 57 ملیۆن بینەر بووە و لەو ساڵەدا فیلمی 'تایتانیک' زۆربەی خەڵاتەکانی بردەوە.