2023-03-14 [07:33 AM]

لە چوارچێوەی چالاکییەکانی 13مین فێستیڤاڵی هەولێر – ئازادی و نەورۆز، پێشانگەیەکی کاری دەستی بۆ خانمان کرایەوە.

پیشانگەکە لە قەڵای هەولێر کرایەوە و هەریەک لە ئومێد خۆشناو، پارێزگاری هەولێر و سەلیم قادر، جێگری بەڕێوەبەری گشتی رۆشنبیری و هونەری ئامادەبوون.

لە پێشانگەکەدا چەندین کاری هونەری خرانەڕوو، هەروەها چەند بەرهەمێکی کەلپووری کوردسیش لەلایەن خانمانەوە خرانەڕوو.

بەبۆنەی راپەڕینی شاری هەولێر، 13مین فێستیڤاڵی هەولێر – ئازادی و نەورۆز بەڕێوەدەچێت و بۆ ماوەی 10 رۆژ بەردەوام دەبێت، تێیدا چالاکی جیا جیای کولتووری و هونەری لەخۆدەگرێت.

فۆتۆ: سەردار قادر