 |
|
|||
هەولێر – ZNA لە رێوڕەسمێکدا لە هەولێر، رێز لە 11 هونەرمەند و نووسەر لە بوارە جیاجیاکاندا نرا.
ریوڕەسمەکە ئێوارەی رۆژی چوارشەممە، بە ئامادەبوونی ئومێد خۆشناو، پارێزگاری هەولێر نەبەز عەبدولحەمید، قایمقامی هەولێر، فەرهەنگ غەفوور، بەڕێوەبەری گشتی رۆشنبیری و هونەری هەولێر و ژمارەیەكی بەرچاو لە نووسەران و هونەرمەندان و خانەوادەكانیان و میوانان بەڕێوەچوو.
رێزلێنانەکە لە چوارچێوەی بەرنامەكانی 13مین فێستیڤاڵی هەولێر - ئازادی و نەورۆز بەڕێوەچوو و رێزلێنانەکە بۆ ئەو هونەرمەند و نووسەانە بوو كە ساڵانێكی زۆرە لە بواری خۆیاندا خزمەت دەكەن.
فەرهەنگ غەفوور، بەناوی دەستەی سەرپەرشتی فێستیڤاڵی ئازادی و نەورۆز، بەخێرهاتنی میوانانی كرد و ستایشی رۆڵی ئەو نووسەر و ئەدیب و هونەرمەندانەی كرد كە خزمەتیان بە شارەكەیان و نیشتمانەكەیان كردووە.
پاشان لەلایەن پارێزگاری هەولێرەوە خەڵاتی رێزلێنان بەسەر ئەو نووسەر و هونەرمەندانە دابەش كرا، لە كۆتاییشدا حەیرانبێژ هێمن سارمەمی حەیرانێكی پێشكەش بە ئامادەبووان كرد.
فێستیڤاڵەکە ماوەی 10 رۆژ بەردەوم دەبێت و چالاکی جۆراوجۆری هونەری وکولتوری لەخۆدەگرێت. ئەم هەواڵە 175جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad